कल्याण : मालमत्ता कर हे महापालिकेच्या उत्पन्नाचे प्रमुख स्त्रोत आहे. कल्याण-डोंबिवली महापालिका प्रशासनाने मार्च-२०२४ अखेर मालमत्ता कराची रक्कम रु.६२२.०७ कोटी इंटर्नल रिसिप्टसह व पाणीपट्टीची रक्कम रू.७४.७२ कोटी इंटर्नल रिसिप्टसह इतकी विक्रमी वसूली केली.
महापालिका आयुक्त डॉ. इंदुराणी जाखड यांच्या कणखर व कुशल नेतृत्वाखाली, अतिरिक्त आयुक्त मंगेश चितळे यांच्या मार्गदर्शनाखाली मालमत्ता कर विभागाचे उपायुक्त स्वाती देशपांडे यांच्या अधिनस्त सर्व सहा. आयुक्त व प्रभागातील कर विभागाच्या कर्मचा-यांनी अथकपणे व नेटाने कर वसूलीचे काम केल्यामुळे महापालिकेच्या मालमत्ता कर विभागामार्फत ही विक्रमी कर वसूली झाली आहे. सन २०२४-२०२५ या आर्थिक वर्षातही करदात्यांनी या वर्षीच्या प्रारंभापासून शक्यतो ऑनलाईन सुविधेव्दारे कराचा भरणा करुन महापालिकेस यापुढेही असेच सहकार्य करावे, असे आवाहन महापालिकेतर्फे करण्यात आले आहे.