अंबरनाथ : कंपनीत झालेल्या दुर्घटनेत एक कामगार मरण पावल्याची दुर्दैवी घटना घडली आहे.
अंबरनाथच्या आनंदनगर एमआयडीसीतील नेलेस (वॉलमेट) कंपनीत जलवाहिनी कंट्रोलसाठी वापरले जाणारे प्रेशर कंट्रोल वॉल तयार केले जातात. या कंपनीत श्रीकांत कदम (२८) कर्मचारी काम करत होता. मंगळवारी संध्याकाळी ७ वाजताच्या सुमारास श्रीकांत हा कंपनीत काम करत असताना प्रेशर कंट्रोल वॉलमध्ये हवा भरून त्याची चाचणी केली जात असताना अचानक वॉल फुटला आणि त्याचे झाकण श्रीकांतच्या अंगावर उडाले. या दुर्घटनेत श्रीकांत हा गंभीर जखमी झाला, तर अन्य दोन कामगारही जखमी झाले. या तिघांना तातडीने जवळच्या खासगी रुग्णालयात उपचारांसाठी दाखल करण्यात आले. मात्र तिथे श्रीकांत कदम याचा मृत्यू झाला.
या घटनेनंतर शिवाजीनगर पोलिसांनी घटनास्थळी धाव घेत पंचनामा सुरू केला आहे. घटनेतील मयत श्रीकांत कदम याला नुकसान भरपाई मिळण्याची मागणी त्याच्या नातेवाईकांनी केली आहे.