चीनचा एक विरुद्ध शून्यने पराभव
टोकियो: भारताच्या महिला हॉकी संघाने २०२६ च्या आशियाई क्रीडा स्पर्धेत इतिहास रचला आहे. अंतिम सामन्यात भारतीय संघाने चीनला १-० ने पराभूत करून सुवर्णपदक पटकावले आहे. यासोबतच भारतीय महिला हॉकी संघाने २०२८ च्या ऑलिम्पिकसाठीही पात्रता मिळवली आहे.
१९८२ नंतर प्रथमच भारतीय महिला हॉकी संघाने आशियाई क्रीडा स्पर्धेत सुवर्णपदक जिंकले आहे. या ऐतिहासिक विजयामुळे भारतीय महिलांनी आशियाई खेळांमधील ४४ वर्षांचा सुवर्णपदकांचा दुष्काळ संपवला आहे.
भारताने आशियाई क्रीडा स्पर्धेत महिला हॉकीमध्ये आपले पहिले सुवर्णपदक जिंकले आहे. शुक्रवारी ४४ वर्षांच्या प्रतीक्षेनंतर भारतीय महिला हॉकी संघाने आशियाई क्रीडा स्पर्धेत सुवर्णपदक पटकावले. आयची-नागोया येथे झालेल्या अंतिम सामन्यात भारतीय संघाने गतविजेत्या चीनला १-० ने पराभूत केले. या विजयामुळे भारताने लॉस एंजेलिस २०२८ ऑलिम्पिकसाठीही पात्रता मिळवली आहे. चार दशकांहून अधिक काळाच्या प्रदीर्घ प्रतीक्षेनंतर संघासाठी हा एक ऐतिहासिक दिवस आहे.
भारताच्या ऐतिहासिक विजयाची नायिका होती फॉरवर्ड लालरेम्सियामी. तिच्या जादुई गोलने संपूर्ण देशाला जल्लोषात सामील करून घेतले. तिने सामन्याच्या पहिल्या तिमाहीतच चिनी बचावफळीला खिंडार पाडले. १० व्या मिनिटाला तिची सहकारी साक्षीने लालरेम्सियामीला एक पास दिला. लालरेम्सियामीने पटकन दिशा बदलली आणि वळून एक सनसनाटी टोमहॉक शॉट मारला. लालरेम्सियामीचा फटका इतका धारदार आणि अचूक होता की, चिनी गोलरक्षक झेप घेऊनही हतबल झाला. चेंडू थेट गोलपोस्टच्या कोपऱ्यात गेला. या एका गोलने भारताला अभेद्य आघाडी मिळवून दिली. जी भारतीय बचावफळीने शेवटच्या मिनिटापर्यंत टिकवून ठेवली. भारतीय महिला हॉकीसाठी हा विजय अनेक दशकांच्या संघर्षाचा आणि दुःखाचा अंत आहे.
या अंतिम विजयामुळे भारताच्या ऑलिम्पिक मोहिमेलाही मोठे बळ मिळाले. आशियाई खेळांच्या इतिहासात, भारतीय महिला संघाने यापूर्वी फक्त एकदाच, १९८२ मध्ये नवी दिल्ली येथे झालेल्या आशियाई खेळांमध्ये सुवर्णपदक जिंकले होते. तेव्हापासून चार दशकांहून अधिक काळ लोटला आहे, परंतु भारतीय संघाला अजूनही सुवर्णपदकावर दावा करता आलेला नाही.
