ठाणे : शहरात आज पुन्हा पाच नवीन कोरोना रूग्ण सापडले तर एक जण कोरोनामुक्त झाला आहे. सुदैवाने आज एकही रूग्ण दगावला नाही.
महापालिका हद्दीत वर्तकनगर प्रभाग समिती येथे तीन आणि माजिवडे मानपाडा प्रभाग समिती क्षेत्रात दोन असे पाच नवीन रूग्ण सापडले आहेत. उर्वरित सात प्रभाग समिती परीसरात एकाही रुग्णाची नोंद झाली नाही.
विविध रुग्णालयात आणि घरी उपचार घेत असलेल्या रूग्णांपैकी एक रूग्ण कोरोनामुक्त झाला असून आत्तापर्यंत एक लाख ८१,४९९जण ठणठणीत बरे होऊन घरी गेले आहेत. रुग्णालयात आणि घरी २७ रुग्णांवर उपचार सुरू आहेत. आज एकाही रुग्णाचा मृत्यू झाला नसून आत्तापर्यंत २१२७जणांचा मृत्यू झाला आहे.
महापालिका प्रशासनाने काल शहरातील ६४० नागरिकांची चाचणी घेतली होती. त्यामध्ये पाच जण बाधित सापडले. आत्तापर्यंत २३ लाख ९७,९३६ ठाणेकरांची चाचणी घेण्यात आली असून त्यामध्ये एक लाख ८३,६५३जण बाधित मिळाले आहेत.