आयसीसी पुरुष क्रिकेट विश्वचषक २०२३ चा ११ वा सामना न्यूझीलंड आणि बांगलादेश यांच्यात १३ ऑक्टोबर रोजी चेन्नईच्या एमए चिदंबरम स्टेडियमवर खेळवला जाईल.
न्यूझीलंड आणि बांगलादेश एक दिवसीय क्रिकेटमध्ये आमने सामने
न्यूझीलंड आणि बांगलादेश १९९० पासून एकमेकांविरुद्ध ४१ एकदिवसीय सामने खेळले आहेत, त्यापैकी न्यूझीलंडने ३० जिंकले आहेत, बांगलादेशने १० जिंकले आहेत, आणि एका सामन्याचा निकाल लागला नाही. हे दोन्ही संघ भारतात कधीही एकमेकांविरुद्ध एकदिवसीय सामना खेळलेले नाहीत. विश्वचषक स्पर्धेत, न्यूझीलंड आणि बांगलादेश १९९९ ते २०१९ दरम्यान पाच वेळा आमनेसामने आले आहेत, आणि सगळ्या वेळा न्यूझीलंडने बाजी मारली आहे.
| न्यूझीलंड | बांगलादेश | |
| आयसीसी रँकिंग (एक दिवसीय क्रिकेट) | ५ | ७ |
| एक दिवसीय क्रिकेटमध्ये आमने सामने (विजय) | ३० | १० |
| विश्वचषकात (विजय) | ५ | ० |
आयसीसी पुरुष क्रिकेट विश्वचषक २०२३ मधील न्यूझीलंड आणि बांगलादेशची आतापर्यंतची कामगिरी
न्यूझीलंड आणि बांगलादेश आयसीसी पुरुष क्रिकेट विश्वचषक २०२३ चा आपला तिसरा सामना खेळणार आहेत. न्यूझीलंडने गतविजेत्या इंग्लंडला सहा विकेट्सने आणि नेदरलँड्सला ९९ धावांनी पराभूत केल्यामुळे न्यूझीलंड अजिंक्य राहिले आहे, तर दुसरीकडे बांगलादेशने एक विजयाची आणि एक पराभूताची नोंद केली आहे. बांगलादेशने अफगाणिस्तानचा सहा गडी राखून पराभव केला आणि त्यानंतर इंग्लंडकडून १३७ धावांनी मोठा पराभव झाला.
न्यूझीलंड विरुद्ध बांगलादेश: संघ, दुखापती अपडेट्स, खेळण्याची परिस्थिती, हवामान आणि कुठल्या खेळाडूंवर लक्ष ठेवायची गरज आहे
संघ
न्यूझीलंड: केन विल्यमसन (कर्णधार), ट्रेंट बोल्ट, मार्क चॅपमन, डेव्हॉन कॉनवे, लॉकी फर्ग्युसन, मॅट हेन्री, टॉम लॅथम, डॅरिल मिचेल, जिमी नीशम, ग्लेन फिलिप्स, रचिन रवींद्र, मिचेल सँटनर, ईश सोधी, टिम साउथी, विल यंग .
बांगलादेशः शाकिब अल हसन (कर्णधार), लिटन दास, तन्झिद हसन तमीम, नजमुल हुसेन शांतो, तौहिद हृदोय, मुशफिकुर रहीम, महमुदुल्लाह रियाद, मेहिदी हसन मिराझ, नसुम अहमद, शाक मेहेदी हसन, तस्किन अहमद, मुस्तफिजुर रहमान, हसन महमूद, शोरीफुल इस्लाम, तनझिम हसन साकिब.
दुखापती अपडेट्स
न्यूझीलंडचा कर्णधार केन विल्यमसन पहिल्या दोन सामन्यांमध्ये खेळू शकला नाही कारण तो एसीएल टेर पासून झुंजत आहे. जर तो वेळेत फिट झाला तर तो शुक्रवारी बांगलादेशविरुद्ध न्यूझीलंडचे नेतृत्व करेल. याशिवाय, उजव्या हाताचा मध्यम वेगवान गोलंदाज टीम साऊथी जो उजव्या हाताच्या अंगठ्याला फ्रॅक्चर झाल्यामुळे पहिल्या दोन सामन्यांना मुकला होता तो निवडीसाठी उपलब्ध असेल. दुसरीकडे, बांगलादेशमध्ये फिटनेसची कोणतीही समस्या नाही.
खेळण्याची परिस्थिती
चेन्नईतील एमए चिदंबरम स्टेडियममध्ये न्यूझीलंड आणि बांगलादेश यांच्यातील सामना होणार आहे. हा दिवस-रात्र सामना असेल. न्यूझीलंड येथे आपला पाचवा एकदिवसीय सामना खेळणार आहे, ज्यामध्ये एक जिंकला आहे, दोन गमावले आहेत आणि एका सामन्याचा निकाल लागला नाही, तर बांगलादेश येथे आपला दुसरा एकदिवसीय सामना खेळेल. पहिल्या सामन्यात त्यांना पराभव पत्करावा लागला. हे ठिकाण या विश्वचषकातील दुसऱ्या सामन्याचे आयोजन करेल. येथे खेळवण्यात आलेला पहिला सामना कमी धावसंख्येचा होता. प्रथम फलंदाजी करणारा संघ १९९ धावांवर बाद झाला होता. येथे फिरकीपटूंची महत्त्वाची भूमिका असेल.
हवामान
सकाळी हवामान थोडे ढगाळ राहणे आणि नंतर दुपारी सूर्यप्रकाश दिसणे अपेक्षित आहे. दिवसभरात कमाल तापमान ३३ अंश सेल्सिअस राहील. ढगांचे आच्छादन ३६% असेल आणि पावसाची २% शक्यता असेल. पूर्व-ईशान्येकडून वारे वाहतील.
कुठल्या खेळाडूंवर लक्ष ठेवायचे
या विश्वचषकात न्यूझीलंडने दोनपैकी दोन सामने जिंकले आहेत. त्यांचे फलंदाज डेव्हॉन कॉनवे (१८४ धावा) आणि रचिन रवींद्र (१७४ धावा) हे आतापर्यंतच्या स्पर्धेत सर्वाधिक धावा करणाऱ्या फलंदाजांमध्ये अनुक्रमे तिसऱ्या आणि चौथ्या क्रमांकावर आहेत. तसेच, त्यांचे गोलंदाज मिचेल सँटनर आणि मॅट हेन्री यांनी संघाच्या यशात महत्त्वाची भूमिका बजावली आहे. सँटनर सात विकेट्ससह सर्वाधिक विकेट्स घेणारा गोलंदाज आहे. त्याचबरोबर हेन्रीच्या नावावर सहा विकेट्स आहेत.
दुसरीकडे, बांगलादेश अधून मधून चांगले प्रदर्शन करत आहे. त्यांना निरंतरतेने उत्कृष्ट खेळी करायची गरज आहे. लिटन दासने दोन सामन्यांत ८९ धावा करून आपल्या संघासाठी सर्वाधिक धावा केल्या आहेत, तर डावखुरा मध्यम वेगवान गोलंदाज शरीफुल इस्लाम दोन सामन्यांत पाच बळी घेऊन आघाडीवर आहे. याशिवाय, मेहदी हसन मिराझ आणि नजमुल हुसेन शांतो लक्ष वेधून घेतील कारण त्यांनी त्यांच्या पहिल्या सामन्यात अर्धशतकं झळकावली आहेत. कर्णधार शकीब अल हसनकडूनही बॅट आणि चेंडूने योगदान अपेक्षित आहे.
सामन्याची थोडक्यात माहिती
तारीख: १३ ऑक्टोबर २०२३
वेळ: दुपारी २:०० वाजता
स्थळ: एमए चिदंबरम स्टेडियम, चेन्नई
प्रसारण: स्टार स्पोर्ट्स, हॉटस्टार
(सर्व आकडेवारी ईएसपीएन क्रिकइन्फो वरून घेतली आहे)