आयसीसी पुरुष क्रिकेट विश्वचषक २०२३ चा नववा सामना ११ ऑक्टोबर रोजी दिल्लीतील अरुण जेटली स्टेडियमवर अफगाणिस्तान आणि दोन वेळा विश्वचषक विजेता भारत यांच्यात खेळला जाईल.
अफगाणिस्तान आणि भारत एक दिवसीय क्रिकेटमध्ये आमने सामने
भारत आणि अफगाणिस्तान यांनी २०१४ आणि २०१९ दरम्यान एकमेकांविरुद्ध तीन एकदिवसीय सामने खेळले आहेत, त्यापैकी भारताने दोन जिंकले आहेत, तर एक सामना टाय झाला आहे. हे दोन्ही संघ भारतात कधीही एकमेकांविरुद्ध वनडे खेळलेले नाहीत. तथापि, अफगाणिस्तानने २०१७ पासून भारतात १४ एकदिवसीय सामने खेळले आहेत, त्यापैकी पाच जिंकले आहेत. विश्वचषकात भारत आणि अफगाणिस्तान फक्त एकदाच आमनेसामने आले आहेत. २०१९ मध्ये, भारताने साउथॅम्प्टन येथे २२४ धावांचा यशस्वीपणे बचाव केल्यामुळे फक्त ११ धावांनी तो सामना जिंकला.
| संघ | आयसीसी रँकिंग (एक दिवसीय क्रिकेट) |
| भारत | १ |
| अफगाणिस्तान | ९ |
आयसीसी पुरुष क्रिकेट विश्वचषक २०२३ मधील भारत आणि अफगाणिस्तानची आतापर्यंतची कामगिरी
आयसीसी पुरुष क्रिकेट विश्वचषक २०२३ मध्ये भारत आणि अफगाणिस्तान यांच्यात आतापर्यंत प्रत्येकी एक सामना खेळला गेला आहे. चेन्नई येथे ऑस्ट्रेलियाविरुद्ध २०० धावांचा पाठलाग करताना सहा गडी राखून पराभवाच्या जबड्यातून विजय मिळवून भारताने सकारात्मक सुरुवात केली आहे, तर अफगाणिस्तानला धर्मशाला येथे बांगलादेशकडून सहा गडी राखून पराभव पत्करावा लागला आहे. त्या सामन्यात अफगाणिस्तान ने केवळ १५६ धावा केल्या.
भारत विरुद्ध अफगाणिस्तान: संघ, दुखापती अपडेट्स, खेळण्याची परिस्थिती, हवामान आणि कुठल्या खेळाडूंवर लक्ष ठेवायची गरज आहे
संघ
अफगाणिस्तान: हशमतुल्ला शाहिदी (कर्णधार), रहमानउल्ला गुरबाज, इब्राहिम झदरन, रियाझ हसन, रहमत शाह, नजीबुल्ला झदरन, मोहम्मद नबी, इक्रम अलीखिल, अजमातुल्ला ओमरझाई, रशीद खान, मुजीब उर रहमान, नूर अहमद, फजलहक फारुकी, अब्दुल रहमान, नवीन उल हक.
भारत: रोहित शर्मा (कर्णधार), हार्दिक पांड्या, शुभमन गिल, विराट कोहली, श्रेयस अय्यर, के एल राहुल, रवींद्र जडेजा, शार्दुल ठाकूर, जसप्रीत बुमराह, मोहम्मद सिराज, कुलदीप यादव, मोहम्मद शमी, रविचंद्रन अश्विन, इशान किशन, सूर्यकुमार यादव.
दुखापती अपडेट्स
भारताचा सलामीचा फलंदाज शुभमन गिल, जो डेंग्यूने त्रस्त आहे, तो ८ ऑक्टोबर रोजी ऑस्ट्रेलियाविरुद्धच्या संघाच्या पहिल्या सामन्यात सहभागी झाला नाही. गिल अजूनही बरा होत आहे आणि अफगाणिस्तानविरुद्ध खेळण्याची शक्यता नाही. दुसरीकडे, अफगाणिस्तानचा संपूर्ण संघ भारताविरुद्धच्या त्यांच्या आगामी सामन्यात निवडीसाठी उपलब्ध असेल.
खेळण्याची परिस्थिती
दिल्लीतील अरुण जेटली स्टेडियममध्ये भारत आणि अफगाणिस्तान यांच्यातील सामना होणार आहे. हा दिवस-रात्र सामना असेल. अफगाणिस्तान येथे त्यांचा पहिला एकदिवसीय सामना खेळणार आहे, तर भारताने १९८२ ते २०२२ दरम्यान २१ एकदिवसीय सामने खेळून १३ जिंकले आहेत. हे ठिकाण या विश्वचषकातील दुसऱ्या सामन्याचे आयोजन करेल. येथे खेळल्या गेलेल्या मागील सामन्यात ७५० पेक्षा जास्त धावा झाल्या होत्या. आणखी एका उच्च धावसंख्येच्या सामन्याची अपेक्षा करा.
हवामान
हवामान कमी आर्द्र आणि भरपूर सूर्यप्रकाश दिसणे अपेक्षित आहे. दिवसभरात कमाल तापमान ३६ अंश सेल्सिअस राहील. ढगांचे आच्छादन आणि पावसाची शक्यता नाही. पश्चिमेकडून वारे वाहतील.
कुठल्या खेळाडूंवर लक्ष ठेवायचे
भारतासाठी ऑस्ट्रेलियाविरुद्धच्या मागील सामन्यात सामनावीराचा पुरस्कार पटकावणाऱ्या के एल राहुलकडे सर्वांचे लक्ष असेल. जेव्हा तो फलंदाजी करायला आला तेव्हा भारत झुंजत होता. भारताने दोन धावा करून तीन विकेट्स गमावल्या होत्या. तिथून राहुलने विराट कोहलीसोबत १६५ धावांची भागीदारी केली आणि भारताला शानदार विजय मिळवून दिला. या ३१ वर्षीय उजव्या हाताच्या फलंदाजाने ११८ चेंडूंत आठ चौकार आणि दोन षटकारांसह नाबाद ९७ धावा केल्या. गोलंदाजी विभागात, डावखुरा फिरकी गोलंदाज रवींद्र जडेजाने ऑस्ट्रेलियाविरुद्ध १० षटकांत दोन मेडन्ससह २८ धावा देऊन तीन बळी घेऊन कमालीची कामगिरी केली. त्याच्या गोलंदाजीव्यतिरिक्त, तो खालच्या मधल्या फळीतील एक उपयुक्त फलंदाज आहे.
अफगाणिस्तानसाठी, ज्याने त्यांच्या मागील चकमकीत बांगलादेशविरुद्ध विस्मरणीय खेळ केला होता, ते स्वत: ला विजयाच्या मार्गावर आण्याचा प्रयत्न करतील. त्यांचा सलामीचा फलंदाज रहमानउल्ला गुरबाजने ६२ चेंडूत चार चौकार आणि एका षटकारासह आपल्या संघासाठी सर्वाधिक ४७ धावा केल्या. या २१ वर्षीय उजव्या हाताच्या फलंदाजाकडून भारताविरुद्ध पुन्हा धडाकेबाज सुरुवात करणे अपेक्षित आहे. याशिवाय, अष्टपैलू अमजतुल्ला उमरझाईचे बॅट आणि चेंडूचे योगदान उल्लेखनीय होते. उजव्या हाताच्या मधल्या फळीतील फलंदाजाने २० चेंडूत २२ धावा केल्या, ज्यात चार चौकारांचा समावेश होता आणि उजव्या हाताच्या मध्यमगतीने गोलंदाजी करत दोन षटकात नऊ धावा देऊन एक विकेट पटकावली.
सामन्याची थोडक्यात माहिती
तारीख: ११ ऑक्टोबर २०२३
वेळ: दुपारी २:०० वाजता
स्थळ: अरुण जेटली स्टेडियम, दिल्ली
प्रसारण: स्टार स्पोर्ट्स, हॉटस्टार
(सर्व आकडेवारी ईएसपीएन क्रिकइन्फो वरून घेतली आहे)