ठाणे : शहरातील कोरोना रुग्णांची वाढ मंदावली असून आज दोन नवीन रुग्णांची भर पडली आहे तर एक जण कोरोनामुक्त झाला आहे.
नौपाडा-कोपरी आणि वर्तकनगर प्रभाग समिती क्षेत्रात प्रत्येकी एक रूग्ण वाढला आहे. उर्वरित सात प्रभाग समिती क्षेत्रात एकही रूग्ण सापडला नाही. विविध रुग्णालयात आणि घरी उपचार घेत असलेल्या रूग्णांपैकी एक जण रोगमुक्त झाला आहे. आत्तापर्यंत एक लाख ८१,५३७ रूग्ण ठणठणीत बरे झाले आहेत तर रुग्णालयात आणि घरी १४ जणांवर उपचार सुरू आहेत. आज एकही जण दगावला नसून आत्तापर्यंत २,१२७ रुग्णांचा मृत्यू झाला आहे.
महापालिका प्रशासनाने काल शहरातील ४७५ नागरिकांची चाचणी घेतली होती. त्यामध्येदोन जण बाधित सापडले आहेत. आत्तापर्यंत २४ लाख ३,७०८ नागरिकांची चाचणी घेण्यात आली असून त्यामध् एक लाख ८३,६७८ रूग्ण बाधित मिळाले.