ठाणे – शहरातील कोरोना रुग्णांची संख्या कमी होत आहे. आज फक्त एक नवीन रुग्ण शहरात सापडला आहे तर जिल्ह्यात तीन रूग्ण वाढले आहेत.
महापालिका हद्दीतील माजीवडा मानपाडा प्रभाग समिती क्षेत्रात एक रूग्ण सापडला आहे. उर्वरित आठ प्रभाग समिती परिसरात एकही रूग्ण सापडला नाही. ठाणे, मिरा भाईंदर आणि नवी मुंबई महापालिका भागात प्रत्येकी एक रूग्ण वाढला आहे. जिल्ह्यातील उर्वरित नगरपालिका, महापालिका आणि ठाणे ग्रामिण भागात शून्य रूग्ण नोंदवले गेले आहेत.
जिल्ह्यात १६७ रुग्णांवर घरी आणि रुग्णालयात उपचार सुरू आहेत. आत्तापर्यंत सहा लाख ९६ हजार ६९२ रुग्णांनी कोरोनावर मात केली तर आत्तापर्यंत अकरा हजार ८८० जणांचा मृत्यू झाला आहे. आत्तापर्यंत सात लाख आठ हजार ७४७ जण कोरोना पॉझिटिव्ह सापडले आहेत.