कर्णधार शशिकांत कदमच्या शानदार अष्टपैलू कामगिरीच्या जोरावर ठाणे महानगरपालिकेने 48 व्या ठाणेवैभव आंतर ऑफिस क्रिकेट स्पर्धेत सेंट्रल मैदानावर शुक्रवारी एल & टी संघावर सहा गडी राखून विजय मिळवला.
नाणेफेक जिंकून प्रथम क्षेत्ररक्षण करण्याचा निर्णय घेत ठाणे महानगरपालिकेने एल & टी संघाला 34.2 षटकात 163 धावांवर गुंडाळले. नंदन कामथ (3/20) आणि कदम (3/23) हे ठाणे महानगरपालिकेसाठी सर्वात यशस्वी गोलंदाज ठरले कारण त्यांनी प्रत्येकी तीन गडी बाद केले. सुमित म्हात्रे (39 चेंडूत 62 धावा) याने अस्खलित अर्धशतक झळकावले होते, पण त्याचे प्रयत्न व्यर्थ गेले. एल & टी मधील बाकी फलंदाज फारसे योगदान देऊ शकले नाही आणि त्यामुळे संघाला एक मोठी धावसंख्या उभी करणे शक्य झाले नाही.
विजयासाठी 164 धावांचा पाठलाग करताना कदमने उत्कृष्ट फलंदाजी करून धावांचा पाठलाग केला आणि कर्णधाराची खेळी खेळली. त्याने 48 चेंडूंत सात चौकार आणि तीन षटकारांसह अपराजित 68 धावा केल्या. त्याने पाचव्या विकेटसाठी प्रतीक प्रभू (45 चेंडूत नाबाद 35) सोबत 113 धावांची महत्त्वपूर्ण भागीदारी केली आणि 23.4 षटकात सहा विकेट्स राखून लक्ष्य पार केले. एल & टी साठी, रुचित आहुजा (3/45) हा विकेट घेणारा एकमेव गोलंदाज होता. इतर कोणत्याही गोलंदाजाला विकेट कॉलममध्ये भर पाडता आली नाही.
संक्षिप्त धावफलक: एल & टी 34.2 षटकांत 163 सर्वबाद (सुमित म्हात्रे 62; नंदन कामत 3/20, शशिकांत कदम 3/23) पराभूत वि. ठाणे महानगरपालिका 23.4 षटकांत 168/4 (शशिकांत कदम 68*; रुचित आहुजा 3/45)
सामनावीर: शशिकांत कदम, ठाणे महानगरपालिका