भाईंदर: वसई पश्चिमेला माणिकपूर नाक्यापासून हाकेच्या अंतरावर बांधकाम सुरू असलेल्या तीन मजली इमारतीच्या सज्जाचे बांधकाम कोसळून तीन जण जखमी झाले असून दोन रिक्षांचेही नुकसान झाले आहे.
माणिकपूर येथील अर्बन बँकेसमोरील तीन मजली बांधकाम सुरू असलेल्या अनधिकृत इमारतीच्या सज्जाचा काही भाग दुपारी ३ च्या सुमारास कोसळला. या घटनेत रस्त्यावर उभ्या असलेल्या दोन रिक्षांचे नुकसान झाले असून तीन जणांना दुखापत झाली आहे. जखमी व्यक्तींना बंगली येथील कार्डिनल ग्रेशस इस्पितळात वैद्यकीय उपचारासाठी दाखल करण्यात आले आहे.