ठाणे : कोरोना रूग्णवाढीचा आलेख खाली आला असून जिल्ह्यात १००च्या आत नवीन रुगणांची भर पडली आहे तर ठाणे शहरात ३३ रूग्ण वाढले आहेत.
जिल्ह्यातील काही दिवसांपूर्वी ५००च्या जवळपास नवीन रूग्ण सापडत होते, तो आकडा ८८वर आला आहे. ठामपा क्षेत्रात ३३, नवी मुंबई येथे २४, कल्याण-डोंबिवली महापालिका भागात ११, मीरा-भाईंदरमध्ये नऊ आणि उल्हासनगर महापालिका हद्दीत तीन नवीन रूग्ण वाढले आहेत. बदलापूर येथे पाच आणि ठाणे ग्रामीण भागात तीन रूग्ण सापडले आहेत.
आत्तापर्यंत जिल्ह्यात सात लाख ३२,६४८जण बाधित सापडले आहेत तर सात लाख १९,४३९जण कोरोनामुक्त झाले आहेत. जिल्ह्यात घरी आणि रुग्णालयात १,१८५ जणांवर उपचार सुरू आहेत. आत्तापर्यंत ११,९२१जणांचा कोरोनामुळे मृत्यू झाला आहे.