आमदार जितेंद्र आव्हाड यांना धक्का
ठाणे: कळवा-मुंब्रा मतदारसंघातील राष्ट्रवादी शरद पवार गटाचे माजी नगरसेवक यांनी अजित पवार गटात आज प्रवेश केला. या प्रवेशामुळे स्थानिक आमदार डॉ.जितेंद्र आव्हाड यांना मोठा धक्का बसला आहे.
कळव्यातील माजी नगरसेविका रिटा यादव, माजी परिवहन समिती सदस्य तकी चेऊलकर, माजी नगरसेवक प्रकाश बर्डे, समाजसेवक राजनाथ यादव, मुंब्र्यातील माजी नगरसेविका रुपाली गोटे, आशरीन राऊत, शेख जफर नोमानी, हफिजा नाईक, अन्सारी साजिया परवीन, हसीना अब्दुल अजीज शेख, समाजसेविका नेहा नाईक, इब्राहिम राऊत, काफील शेख, राजू अन्सारी, सर्फराज अन्सारी, अजीज शेख, मुमताज शाह, मेहफूज (मामा) शेख, सय्यद शमविल यांनी महाराष्ट्र राज्याचे उपमुख्यमंत्री अजित पवार यांच्या प्रमुख उपस्थितीमध्ये प्रदेश प्रवक्ते तथा ठाणे जिल्हाध्यक्ष आनंद परांजपे, प्रदेश सरचिटणीस तथा अल्पसंख्यांक निरीक्षक नजीब मुल्ला यांच्या मार्गदर्शनाखाली राष्ट्रवादी काँग्रेस पार्टीमध्ये जाहीर प्रवेश केला.
यावेळी माजी नगरसेवक शेख जाफर नोमानी यांची मुंब्रा-कळवा विधानसभा अध्यक्षपदी, मुमताज शाह यांची जिल्हा सरचिटणीस, मुंब्रा-कळवा प्रवक्तेपदी, मेहफूज (मामा) शेख यांची शीळ-डायघर ब्लॉक अध्यक्षपदी, सय्यद शमवील याची राष्ट्रवादी विद्यार्थी काँग्रेसच्या मुंब्रा-कळवा विधानसभा अध्यक्षपदी नियुक्ती करण्यात आली. या प्रसंगी माजी नगरसेविका वहिदा खान, अंकिता शिंदे आणि मुंब्रा-कळव्यातील पदाधिकारी मोठ्या संख्येने उपस्थित होते.