अंबरनाथमध्ये काँग्रेसला मोठा हादरा
अंबरनाथ : लोकसभा निवडणुकीची रणधुमाळी सुरु असतानाच अंबरनाथमधील काँग्रेसचे शहराध्यक्ष सात माजी नगरसेवकांसह शिवसेनेत दाखल झाल्याने काँग्रेसला जोरदार हादरा बसला आहे.
अंबरनाथ शहर काँग्रेस अध्यक्ष आणि माजी विरोधी पक्षनेते प्रदीप पाटील यांनी अंबरनाथ काँगेसच्या सात माजी नगरसेवकांसह मुख्यमंत्री एकनाथ शिंदे आणि खासदार डॉ. श्रीकांत शिंदे यांच्या उपस्थितीत मुख्यमंत्र्यांच्या ठाणे निवासस्थानी शिवसेनेत प्रवेश केला.
श्री. पाटील हे १९९५ पासून अंबरनाथ नगरपालिकेचे नगरसेवक असून माजी विरोधी पक्षनेते होते. अंबरनाथ शहरात प्रदीप पाटील यांनी मागील अनेक वर्षे काँग्रेसची धुरा सांभाळली. मुख्यमंत्री एकनाथ शिंदे आणि खासदार डॉ. श्रीकांत शिंदे यांच्या धडाकेबाज कार्यपद्धतीने प्रभावित होऊन शिवसेनेत प्रवेश करत असल्याचे प्रदीप पाटील यांनी सांगितले.
प्रदीप पाटील यांच्यासह माजी नगरसेविका अर्चना रसाळ, चरण रसाळ, माजी नगरसेवक सुरेंद्र यादव, बबन तांबे, मनोज देवडे, बिस्मिल्ला शेख, काँग्रेसच्या महिला शहराध्यक्षा स्मिता बंगेरा, नयना पवार, विद्या नागदिवे, अर्चना प्रसाद, मनीषा परमल, युथ काँग्रेसचे हर्षल भोईर, देवराज अल्झानडे, संकेत तांबे, आशिष डुबली ईशान जाधव, अश्फाक खान, अल्पसंख्यांक सेलचे शहराध्यक्ष नईम शेख यांच्यासह सुधीर जाधव, ज्ञानेश्वर शेलार, अनिल कांबळे, प्रशांत उतेकर हे प्रमुख पदाधिकारी तसेच शेकडो काँग्रेस कार्यकर्त्यांनी शिवसेनेत प्रवेश केला.
मुख्यमंत्री शिंदे आणि खासदार डॉ. शिंदे यांनी त्यांचे शिवसेनेत स्वागत केले. आगामी काळात पूर्ण ताकदीने शिवसेनेचे काम करणार असल्याची प्रतिक्रिया यावेळी प्रदीप पाटील यांनी दिली. मुख्यमंत्री एकनाथ शिंदे आणि खासदार डॉ. श्रीकांत शिंदे यांच्या कार्यपद्धतीने प्रभावित होऊन आपण शिवसेनेत प्रवेश करत असल्याचे प्रतिक्रिया प्रदीप पाटील यांनी दिली.