‘ऊर्जा’ चॅट बॉट २४ तास उपलब्ध
ठाणे : ‘महावितरण’ने राज्यातील तब्बल तीन कोटी वीज ग्राहकांसाठी ऑनलाइनद्वारे घरबसल्या एका क्लिकवर सर्व सेवा उपलब्ध करून दिल्या आहेत. आता कृत्रिम बुद्धिमत्तेचा (आर्टिफिशियल इंटेलिजन्स) वापर करून वीजग्राहकांच्या संवादपर मदतीसाठी ‘ऊर्जा चॅट बॉट’ २४ /७७ महावितरणच्या संकेतस्थळ व मोबाईल अ‍ॅपवर उपलब्ध करून देण्यात आले आहे.
इंग्रजी व मराठी भाषेतील या ‘चॅट बॉट’द्वारे महावितरणच्या विविध सेवांबाबत ग्राहकांना प्रश्न विचारता येत आहे तसेच नवीन वीजजोडणी, वीजबिल भरणा, तक्रार निवारण आदींबाबत माहिती घेण्याची सोय उपलब्ध आहे.
‘महावितरण’च्या वीज सेवेबाबत माहिती कुठे विचारावी आणि या सेवांचा घरबसल्या लाभ कसा घ्यावा हा प्रश्न आता संपुष्टात आला आहे. ग्राहक सेवांबाबत थेट प्रश्न विचारून विविध सेवांचा लाभ व तक्रारी नोंदविण्यासाठी ‘ऊर्जा’नावाचे ‘चॅट बॉट’ ‘महावितरण’च्या माहिती व तंत्रज्ञान विभागाने विकसित केले आहे.
राज्यातील घरगुती, वाणिज्यिक, औद्योगिक, कृषी व इतर ग्राहकांच्या सेवेसाठी सदैव तत्पर ‘ऊर्जा चॅट बॉट ‘ डब्ल्यूडब्ल्यूडब्ल्यू’ही वेबसाईट व महावितरणच्या मोबाईल अ‍ॅपवर उपलब्ध आहे. नवीन वीज जोडणी वा त्यासाठी केलेल्या अर्जाची सद्यस्थिती, वीज बिल भरणा किंवा बिलाचा तपशील, जलद बिल भरणा, मोबाईल क्रमांक व ई-मेलची नोंदणी इतर विविध शुल्कांचा ऑनलाइन भरणा, स्वत: मीटर वाचन व सबमिशन, गो-ग्रीन नोंदणी, वीजवापर व बिलाचे कॅलक्यूलेटर आदींबाबत वीजग्राहकांना ‘ऊर्जा चॅट बॉट थेट मदत करत आहे.
‘महावितरण’च्या वीजसेवेबाबत माहिती हवी असल्यास ऊर्जाच्या माध्यमातून संबंधित सेवा ग्राहकांसाठी थेट ऑनलाइनद्वारे उपलब्ध होणार आहे. संबंधित सेवेची थेट ‘लिंक’ ग्राहकांना या ‘चॅट बॉट’मधूनच मिळणार आहे. यासोबतच वीजपुरवठा खंडित होणे तसेच वीजबिलांसह इतर तक्रारींबाबत संपूर्ण माहिती वीजग्राहकांना उपलब्ध होत आहे. यामध्ये तक्रार करण्यासाठी महावितरणचे २४ बाय ७७ सुरू असलेले टोल फ्री क्रमांक, एसएमएस क्रमांक, ई-मेल, मिस्ड कॉल सेवा आदींची माहिती चॅटबॉटद्वारे उपलब्ध आहे.
गेल्या मार्च महिन्यापासून कार्यान्वित झालेल्या ‘ऊर्जा चॅट बॉट’चे वीजग्राहक मोठ्या संख्येने वापर करीत आहेत. त्यांना वीज सेवा किंवा तक्रारी नोंदविण्याबाबत माहिती घेण्यासाठी ‘महावितरण’च्या कार्यालयांमध्ये जाण्याची आता आवश्यकता उरलेली नाही. मोबाईल क्रमांकाची नोंदणी केलेल्या ग्राहकांना मोबाईल क्रमांक किंवा ग्राहक क्रमांक सबमीट करून विविध सेवा घेण्यासाठी ‘चॅट बॉट’द्वारे ‘महावितरण’शी संवाद साधता येईल तसेच इतर ग्राहकांना विविध सेवेचा ला•लभ घेता येणार आहे.