आयसीसी पुरुष क्रिकेट विश्वचषक २०२३ चा २८ वा सामना बांगलादेश आणि नेदरलँड्स यांच्यात २८ ऑक्टोबर रोजी कोलकात्याच्या ईडन गार्डन्सवर खेळवला जाईल.
बांगलादेश आणि नेदरलँड्स एक दिवसीय क्रिकेटमध्ये आमने सामने
बांगलादेश आणि नेदरलँड्स २०१० आणि २०११ (विश्वचषक) दरम्यान एकमेकांविरुद्ध दोन एकदिवसीय सामने खेळले आहेत आणि दोन्ही संघांनी प्रत्येकी एक सामना जिंकला आहे.
| बांगलादेश | नेदरलँड्स | |
| आयसीसी रँकिंग (एक दिवसीय क्रिकेट) | ८ | १४ |
| एक दिवसीय क्रिकेटमध्ये आमने सामने | १ | १ |
| एक दिवसीय क्रिकेटमध्ये (विश्वचषकात) | १ | ० |
आयसीसी पुरुष क्रिकेट विश्वचषक २०२३ मधील बांगलादेश आणि नेदरलँड्सची आतापर्यंतची कामगिरी
बांगलादेश आणि नेदरलँड्स आयसीसी पुरुष क्रिकेट विश्वचषक २०२३ मध्ये आपला सहावा सामना खेळतील. दोन्ही संघांनी एक जिंकला आहे आणि चार सामने गमावले आहेत.
| सामना क्रमांक | बांगलादेश | नेदरलँड्स |
| १ | अफगाणिस्तानचा ६ गडी राखून पराभव | पाकिस्तानकडून ८१ धावांनी पराभव |
| २ | इंग्लंडकडून १३७ धावांनी पराभव | न्यूझीलंडकडून ९९ धावांनी पराभव |
| ३ | न्यूझीलंडकडून ८ विकेटने पराभव | दक्षिण आफ्रिकेचा ३८ धावांनी पराभव |
| ४ | भारताकडून ७ विकेटने पराभव | श्रीलंकेकडून ५ विकेटने पराभव |
| ५ | दक्षिण आफ्रिकेकडून १४९ धावांनी पराभव | ऑस्ट्रेलियाकडून ३०९ धावांनी पराभव |
संघ
बांगलादेशः शाकिब अल हसन (कर्णधार), लिटन दास, तन्झिद हसन तमीम, नजमुल हुसेन शांतो, तौहिद हृदोय, मुशफिकुर रहीम, महमुदुल्लाह रियाद, मेहिदी हसन मिराझ, नसुम अहमद, शाक मेहेदी हसन, तस्किन अहमद, मुस्तफिजुर रहमान, हसन महमूद, शोरीफुल इस्लाम, तनझिम हसन साकिब.
नेदरलँड्स: स्कॉट एडवर्ड्स (कर्णधार), मॅक्स ओ’डॉड, बास दे लीड, विक्रम सिंग, तेजा निदामानुरु, पॉल व्हॅन मीकरेन, कॉलिन अकरमन, रोएलॉफ व्हॅन डर मर्व, लोगन व्हॅन बीक, आर्यन दत्त, रायन क्लाईन, वेस्ली बॅरेसी, साकिब झुल्फिकर, शरीझ अहमद, सायब्रँड एंजेलब्रेक्ट.
दुखापती अपडेट्स
बांगलादेशचा उजव्या हाताचा मध्यम वेगवान गोलंदाज तस्किन अहमद खांद्याच्या दुखापतीमुळे दक्षिण आफ्रिकेविरुद्धचा मागील सामना खेळू शकला नाही. तो तंदुरुस्त झाल्यास तो नेदरलँडचा सामना खेळण्याची शक्यता आहे. नेदरलँडसाठी दुखापतीची चिंता नाही.
खेळण्याची परिस्थिती
कोलकत्याच्या ईडन गार्डन्सवर बांगलादेश आणि नेदरलँड्स यांच्यातील सामना होणार आहे. हे ठिकाण विश्वचषक २०२३ मधील पहिला सामना आयोजित करेल. १९८७ पासून आतापर्यंत ३१ एकदिवसीय सामने येथे खेळले गेले आहेत त्यापैकी प्रथम फलंदाजी करणार्‍या संघांनी १८ जिंकले आहेत, दुसर्‍या डावात फलंदाजी करणार्‍या संघांनी १२ जिंकले आहेत आणि एका सामन्याचा निकाल लागला नाही. येथे सर्वाधिक धावसंख्या ४०४ आणि सर्वात कमी १०२ आहे. ताज्या खेळपट्टी वर हा सामना खेळला जाईल भरपूर धावांची अपेक्षा आहे.
हवामान
हवामानात धुके सूर्यप्रकाश दिसण्याची अपेक्षा आहे. दिवसभरात कमाल तापमान ३३ अंश सेल्सिअस राहील. १०% ढगांचे आच्छादन आणि १% पावसाची शक्यता असेल. उत्तर-वायव्येकडून वारे वाहतील.
कुठल्या खेळाडूंवर लक्ष ठेवायचे
महमुदुल्ला: बांगलादेशचा या उजव्या हाताचा मधल्या फळीतील फलंदाजाने चार सामन्यांत ९९ च्या सरासरीने आणि १०२ च्या स्ट्राइक रेटने १९८ धावा करत त्याच्या संघासाठी सर्वाधिक धावा केल्या आहेत.
शाकिब अल हसन: बांगलादेशच्या कर्णधाराने बॅट आणि चेंडूने उपयुक्त योगदान दिले आहे. त्याने चार सामन्यांत सहा विकेट्स घेतल्या आहेत आणि या विश्वचषकात त्याची सर्वोत्तम धावसंख्या ४० आहे.
स्कॉट एडवर्ड्स: नेदरलँड्सच्या कर्णधाराने पाच सामन्यांमध्ये ७३ च्या सरासरीने आणि १०० च्या स्ट्राइक रेटने १३६ धावा केल्या आहेत.
बास दे लीड: उजव्या हाताने मध्यमगती गोलंदाजी करणार्‍या नेदरलँड्सच्या या अष्टपैलूने पाच सामन्यांत नऊ विकेट्स घेतल्या आहेत, ज्यात एक चार विकेट हॉल आहे. त्याने एका अर्धशतकासह ९७ धावाही केल्या आहेत.
आकड्यांचा खेळ
- लिटन दासला एकदिवसीय क्रिकेटमध्ये २५०० धावा पूर्ण करण्यासाठी ७३ धावांची गरज
- नजमुल हुसेन शांतोला एकदिवसीय क्रिकेटमध्ये १००० धावा पूर्ण करण्यासाठी १८ धावांची गरज
- मेहदी हसन मिराझला एकदिवसीय क्रिकेटमध्ये १०० विकेट्स पूर्ण करण्यासाठी ३ विकेट्सची आवश्यकता
- विक्रमजीत सिंगला एकदिवसीय क्रिकेटमध्ये १००० धावा पूर्ण करण्यासाठी ९७ धावांची गरज
सामन्याची थोडक्यात माहिती
तारीख: २८ ऑक्टोबर २०२३
वेळ: दुपारी २:०० वाजता
स्थळ: ईडन गार्डन्स, कोलकता
प्रसारण: स्टार स्पोर्ट्स, हॉटस्टार
(सर्व आकडेवारी ईएसपीएन क्रिकइन्फो वरून घेतली आहे)