ठाणे : जिल्ह्यातील नवीन कोरोना रुग्णांचा आकडा रोडावला असून जिल्ह्यात २७२ नवीन रुग्णांची भर पडली आहे. यात ठाणे शहरातील ९६ रुग्णांचा समावेश आहे.
नवी मुंबई महापालिका हद्दीत ८० रुग्णांची भर पडली. ३८ रूग्ण कल्याण-डोंबिवली महापालिका परिसरात सापडले आहेत. उल्हासनगर महापालिका हद्दीत २० रूग्ण मिळाले असून एक रूग्ण दगावला आहे. मीरा-भाईंदर महापालिका हद्दीत १६ आणि भिवंडी महापालिका येथे तीन रुग्णांची नोंद झाली आहे. बदलापूर नगरपालिका येथे एकाही रुग्णाची नोंद झाली नाही तर ठाणे ग्रामिण भागात १९ रूग्ण नोंदवले आहेत.
जिल्ह्यातील विविध रुग्णालयात आणि घरी २,२९७ रुग्णांवर उपचार सुरू आहेत. आत्तापर्यंत जिल्ह्यात सात लाख ३१,४६४जण बाधित सापडले आहेत. आत्तापर्यंत सात लाख १६,८९१ रूग्ण ठणठणीत बरे होऊन घरी गेले आहेत तर एक रूग्ण दगावला आहे. आत्तापर्यंत ११,९१४ रुग्णांचा मृत्यू झाला आहे.