ठाणे : ठाण्यातील आनंद नगर न्यू हॉरीझन स्कॉलर शाळेतील सहावीत शिकत असलेल्या विद्यार्थ्यांचे बोट दुत्र्या विद्यार्थ्यांच्या चुकीमुळे अडकून तुटल्याची घटना शुक्रवारी घडली.
या प्रकरणी दोषी विद्यार्थी आणि शाळा प्रशासनावर गुन्हा दाखल करून कारवाई करण्याची मागणी केली आहे. जखमी विद्यार्थी उदयन ठणके शाळेत संगणक वर्गाला जात असताना दरवाजा उघडत असताना त्याचा हात दरवाजा अडकून त्यात बोट तुटले. तरीही दरवाजा उघडला नाही. वेळेवर उपचार न केल्याने डॉक्टरांनी जखमी विद्यार्थ्याचे बोट कापावे लागणार असे सांगितले असल्याने विद्यार्थ्यांला कायमचे अपंगत्व येणार आहे. याच शाळेत एका विद्यार्थ्याचा हात मोडल्याची घटनाही या आधी घडली आहे. हा हे दोन्ही प्रकार एका खोडसाळ विद्यार्थ्यामुळे झाले असून शाळा व्यवस्थापन कारवाई करत नसल्याने या घटना घडल्याचा आरोप जखमी विद्यार्थ्याच्या पालकांनी केला आहे.
तरीही त्यास शाळेचा पाठिंब्यामुळे वारंवार खोड्या करत इतरांना त्रास देण्याचे काम चालू आहे.
शाळेच्या मुख्याध्यापकांनी भेटण्यास नकार दिल्याचे पालकांचे म्हणणे असून खोडी काढणाऱ्या विद्यार्थ्यांवर कारवाई करण्याची मागणी केली आहे. या प्रकरणी उप प्राचार्या स्मिता गेहलोत यांच्याशी संपर्क साधण्याचा प्रयत्न केला असता तो होऊ शकला नाही.