कल्याण: कल्याण-डोंबिवली महानगरपालिका प्रभाग क्र १३ च्या भाजपा नगरसेविका डॉ. पूजा गायकवाड यांच्या पाठपुराव्याने आशेळेपाडा परिसरातील शिवसेना शाखा ते सेंट पॉल स्कूल दरम्यानच्या नाल्याच्या सखोल साफसफाईचे काम पूर्ण करण्यात आले असून, यामुळे परिसरातील नागरिकांना मोठा दिलासा मिळाला आहे.
या नाला साफसफाईमुळे पावसाळ्यात होणारी पाणी साचण्याची समस्या मोठ्या प्रमाणात कमी होणार आहे. नाल्यातील गाळ, कचरा व अडथळे दूर केल्यामुळे पाण्याचा प्रवाह सुरळीत होणार असून, परिसरातील स्वच्छतेतही सुधारणा होणार आहे. विशेषतः पावसाळ्याच्या पार्श्वभूमीवर डेंग्यू, मलेरिया यांसारख्या साथीच्या आजारांचा धोका लक्षात घेता ही साफसफाई महत्त्वपूर्ण मानली जात आहे. साचलेले पाणी आणि अस्वच्छता यामुळे होणाऱ्या रोगांना आळा घालण्यासाठी हे काम उपयुक्त ठरणार आहे.