कल्याण : कल्याण पश्चिमेत सोमवारी संध्याकाळी चिकणघर परिसरात मोकाट सुटलेल्या म्हैशीने चार ते पाच नागरिकांना आणि वाहनांना धडक दिल्याचे नागरिकांनी सांगितले.
कल्याण पश्चिमेतील पोलीस लाईन परिसरात एक पिसाळलेली म्हैस शिरली. त्यानंतर मिलिंदनगर परिसरात धुमाकूळ घातला. या परिसरात उभ्या असलेल्या गाड्यांना धडक दिली. यानंतर तेथील चार ते पाच नागरिकांना लक्ष करत त्यांना धडक दिली. नागरिकांनी अग्निशमन दलाच्या जवानांना याबाबत माहिती दिली. कल्याण-डोंबिवली मनपाच्या अग्निशमन दलाच्या जवानांनी प्रयत्नांची परकाष्ठा करीत अखेर मिलिंदनगर परिसरातील एका चाळीच्या गेट जवळ दोरखंड टाकून जेरबंद केले. घटनास्थळी तातडीने पोहचत पशुवैद्यकीय आधिकारी डॉ. पानसरे यांनी तिला बेशुद्ध करून उपचार केले. त्यानंतर तिची रवानगी केल्यानंतर सर्वांनी सुटकेचा निश्वास सोडला.
नागरिकांनी अग्निशमन दलाच्या जवानांचे आभार मानले. पिसाळलेल्या म्हशीवर नियंत्रण मिळवण्याच्या मोहिमेत आधारवाडी फायर स्टेशनचे इन्चार्ज विनायक लोखंडे, अग्निशमन दलाचे जवान, हेमंत आसकर, युवराज राठोड, सचिन पवार, मच्छिंद्र बोकरे, जावळे, शेमले, चंदनशिवे, लतेश पष्टे, महिला सहकारी सुप्रजा शेट्टी यांनी सहभाग घेतला होता.