ठाणे : शहरातील नविन कोरोना रुग्णांचा आकडा किंचित कमी झाला आहे. आज ५८ रुग्णांची भर पडली तर ८९जण रोगमुक्त झाले आहेत.
आत्तापर्यंत एक लाख ८९,७६९ रूग्ण ठणठणीत बरे होऊन घरी गेले आहेत तर रुग्णालयात आणि घरी ५३३ जणांवर उपचार सुरू आहेत. आज एकही रूग्ण दगावला नसून आत्तापर्यंत २,१४० जणांचा मृत्यू झाला आहे.
महापालिका प्रशासनाने काल शहरातील ८१६ नागरिकांची चाचणी घेतली होती. त्यामध्ये ५८जण बाधित सापडले आहेत. आत्तापर्यंत २४ लाख ७७,६०९ ठाणेकरांची चाचणी घेण्यात आली असून त्यामध्ये एक लाख ९२,४४७ जण बाधित मिळाले आहेत.