ठाणे : शहरातील कोरोना रुग्णांचा आकडा थोडा वाढला आहे. आज तीन नवीन रुग्णांची भर पडली तर जिल्ह्यात सात रूग्ण सापडले. एकही रूग्ण दगावला नाही.
महापालिका हद्दीतील माजिवडे-मानपाडा, लोकमान्य-सावरकर नगर आणि उथळसर प्रभाग समिती क्षेत्रात प्रत्येकी एका नवीन रुग्णाची भर पडली आहे. उर्वरित सहा प्रभाग समिती भागात एकाही नवीन रुग्णाची नोंद झाली नाही.
नवी मुंबई महापालिका हद्दीत तीन आणि कल्याण-डोंबिवली महापालिका क्षेत्रात एक रूग्ण वाढला आहे. उर्वरित नगरपालिका, महापालिका आणि ठाणे ग्रामिण भागात एकाही रुग्णाची नोंद झाली नाही.
विविध रुग्णालयात आणि घरी जिल्ह्यात १६८ रुग्णांवर उपचार सुरू आहेत. आज एकही रूग्ण दगावला नसून आत्तापर्यंत ११,८८० रुग्णांचा मृत्यू झाला आहे. जिल्ह्यात सात लाख ८,७५४जण बाधित सापडले असून त्यापैकी सहा लाख ९६,६९७जण ठणठणीत बरे होऊन घरी गेले आहेत.