ठाणे : सीजीएसटी, ठाणे आयुक्तालय, मुंबई झोनच्या अँटी-एव्हिजन विंगच्या अधिकाऱ्यांनी एका जोडप्याला जीएसटी चोरीच्या आरोपाखाली अटक केली आहे.
तपशीलवार डेटामाइनिंग आणि डेटा विश्लेषणाच्या आधारे, ठाणे स्थित कंपनी मेसर्स डेटालिंक कन्सल्टन्सी ही संशयास्पद संस्था म्हणून ओळखली गेली आणि फर्मविरुद्ध चौकशी सुरू करण्यात आली. ही फर्म विविध हाय-प्रोफाइल कंपन्यांना मनुष्यबळ पुरवत असल्याचे तपासात समोर आले. फर्मने ग्राहकांकडून जीएसटी गोळा केला होता, परंतु सीजीएसटी कायदा 2017 च्या तरतुदींचे उल्लंघन करून एका वर्षापेक्षा जास्त काळ सरकारी तिजोरीत जीएसटी जमा केला नव्हता. या फर्मचे दोन भागीदार, जे पती (50 वर्षे) आणि पत्नी (48 वर्षे) आहेत, त्यांना 3 फेब्रुवारी 2022 रोजी सीजीएसटी कायदा 2017 च्या कलम 69 अंतर्गत सीजीएसटी कायदा 2017 च्या कलम 132 (d) चे उल्लंघन केल्याबद्दल अटक करण्यात आली आणि त्यांना प्रथमवर्ग न्यायदंडाधिकारी ठाणे यांच्यासमोर हजर करण्यात आले. दोघांनाही १४ दिवसांची न्यायालयीन कोठडी सुनावण्यात आली आहे. दोषी आढळल्यास या जोडप्याला पाच वर्षांपर्यंत तुरुंगवास आणि दंड होऊ शकतो.
हे प्रकरण सीजीएसटी, मुंबई झोनने कर चुकवेगिरी करणार्‍या आणि फसवणूक करणार्‍यांविरुद्ध सुरू केलेल्या चोरीविरोधी मोहिमेचा एक भाग आहे. या मोहिमेदरम्यान गेल्या पाच महिन्यांत सीजीएसटी ठाणे आयुक्तालयाने 1023 कोटींची करचोरी शोधून काढली, 17 कोटी वसूल केले आणि सहा जणांना अटक केली.
सीजीएसटी विभाग डेटा-मायनिंग, डेटा विश्लेषण आणि नेटवर्क विश्लेषण साधनांचा वापर करून संभाव्य कर चुकवणारे आणि फसवणूक करणार्‍यांना ओळखत आहे. विभाग सेवा क्षेत्र आणि डिजिटल अर्थव्यवस्थेसह अर्थव्यवस्थेच्या सर्व क्षेत्रांवर लक्ष केंद्रित करत आहे आणि चुकवणाऱ्यांनवर लक्ष्य करत आहेत जे प्रामाणिक आणि आज्ञाधारक करदात्यांसाठी अन्यायकारक स्पर्धा निर्माण करतात. येत्या काही दिवसांत आणि महिन्यांत विभागाकडून ही चोरीविरोधी मोहीम अधिक तीव्र केली जाणार आहे.