ठाणे: शहरातील कोरोना रुग्णांची संख्या पुन्हा एकदा वाढली आहे. आज दहा नवीन रुग्णांची भर पडली तर तीन जण कोरोनामुक्त झाले आहेत.
महापालिका हद्दीत माजिवडे-मानपाडा येथे सहा आणि वर्तकनगर प्रभाग समिती क्षेत्रात चार नवीन रूग्ण सापडले आहेत. उर्वरित सात प्रभाग समिती क्षेत्रात एकही रूग्ण नोंदला गेला नाही.
विविध रुग्णालयात आणि घरी उपचार घेत असलेल्या रूग्णांपैकी तीन जण रोगमुक्त झाले आहेत. आत्तापर्यंत एक लाख ८१,६६२ रूग्ण ठणठणीत बरे होऊन घरी गेले आहेत तर रुग्णालयात आणि घरी ४७ जणांवर उपचार सुरू आहेत. आज एकाही रुग्णाचा मृत्यू झाला नाही. आत्तापर्यंत २,१३०जणांचा मृत्यू झाला आहे.
महापालिका प्रशासनाने काल शहरातील २३१ नागरिकांची चाचणी घेतली होती. त्यामध्ये १० जण बाधित सापडले आहेत. आत्तापर्यंत २४ लाख १२,९३६ ठाणेकरांची चाचणी घेण्यात आली असून त्यामध्ये एक लाख ८३,७९९जण बाधित मिळाले आहेत.