ठाणे : ठाणे महापालिकेचे नगर अभियंता प्रशांत सोनग्रा आणि घनकचरा विभागाचे उपायुक्त मधुकर बोडके यांची बदली त्यांच्या मूळ विभागात करण्यात आली असून नगर अभियंत्यांच्या जागी सुरेंद्रकुमार काटकर यांची नियुक्ती झाली आहे.
महापालिकेच्या नगर अभियंतापदी मागिल साडेतीन वर्षे श्री. सोनग्रा कार्यरत होते. त्यांची राज्य सरकारने एमएसआरडीसी या विभागात बदली केली आहे. त्यांच्या रिक्त झालेल्या जागेवर पोलिस गृहनिर्माण व कल्याण महामंडळाचे अधीक्षक अभियंता सुरेंद्रकुमार काटकर यांची बदली करण्यात आली असून त्यांनी महापालिकेच्या नगर अभियंता पदाचा पदभार स्वीकारला आहे तर घनकचरा आणि वृक्ष प्राधिकरण विभागात अतिशय उत्तम काम करणारे उपायुक्त मधुकर बोडके यांची त्यांच्या शिधावाटप आणि नियंत्रण विभाग मुंबई या मूळ खात्यात बदली केली आहे. मागिल दोन वर्षे ते ठामपात कार्यरत होते. ठाणे शहरातील काही भागात शून्य कचरा मोहीम त्यांनी राबवली होती. त्यांच्या जागेवर अद्याप कोणाचीही नियुक्ती करण्यात आली नाही.
