भिवंडी : भिवंडीतील राजनोली बायपासजवळ मुंबई-नाशिक महामार्गावर विरुद्ध दिशेने वाहन चालवल्याप्रकरणी १६ जणांविरुद्ध गुन्हे दाखल करण्यात आले आहेत.
पोलिसांच्या माहितीनुसार, हे आरोपी वाहन चालक रहदारीच्या विरुद्ध दिशेने, विशेषतः नाशिक ते मुंबईकडे जाणाऱ्या लेनमध्ये सार्वजनिक रस्त्यावर वाहन चालवताना आढळले. त्यांच्या या कृतीमुळे इतर वाहन चालक आणि सामान्य नागरिकांच्या जीवाला धोका निर्माण झाला होता. ही कारवाई २९ सप्टेंबर २०२६ रोजी सायंकाळी ६:३० ते रात्री ८ या वेळेत राजनोली बायपासवरील बासुरी हॉटेलजवळ मुंबई-नाशिक महामार्गावर करण्यात आली.
कोनगाव पोलीस ठाण्याच्या पोलिसांनी दिलेल्या माहितीनुसार, हे आरोपी नाशिककडून मुंबईकडे जाणाऱ्या मार्गावर विरुद्ध दिशेने वाहन चालवताना आढळले. सार्वजनिक रस्त्यावर निष्काळजीपणे वाहन चालवून इतरांचा जीव धोक्यात घातल्याचा आरोप त्यांच्यावर आहे. या प्रकरणी कोनगाव पोलीस ठाण्यात गुन्हे दाखल करण्यात आले आहेत.
