३० दिवस रुग्णालयात आणि सहा शस्त्रक्रिया
भाईंदर: “मी आयुष्यभर माझ्या चेहऱ्यावरील जखमा वाहून नेईन; पण मी वेदनेला माझ्यावर ताबा मिळवू देणार नाही,” असे बिबट्याच्या हल्ल्यात जखमी झालेली २३ वर्षीय अंजली टाक म्हणाली. तब्बल महिनाभर रुग्णालयात राहून सहा शस्त्रक्रिया झेललेली अंजली तिची आई भारती (४८) यांच्यासह अनुभव सांगत होती.
“मी जमिनीवर झोपले होते आणि काही सेकंदातच माझ्यावर काहीतरी झडप घालताना दिसले. मला वाटले की तो कुत्रा आहे पण लवकरच मला कळले की तो एक बिबट्या आहे जो माझी कातडी फाडत होता,” वित्त आणि लेखा विषयात पदवीधर अंजली म्हणाली. “मला वाचवण्यात आले आणि खिडकीतून स्ट्रेचरवर खाली आणण्यात आले तेव्हा मला जाणीव झाली. मी खोलीत माझे रक्त पसरलेले पाहिले आणि मला असह्य वेदना जाणवत होत्या,”
तिला ताबडतोब केईएम रुग्णालयात नेण्यात आले, जिथे तिच्यावर स्किन ग्राफ्टिंगसह सहा शस्त्रक्रिया करण्यात आल्या. ती ३० दिवसांहून अधिक काळ रुग्णालयात होती. जानेवारीमध्ये लग्न ठरलेल्या अंजलीला सहा महिने घरी आराम करण्याचा सल्ला देण्यात आला आहे.