भाईंदर: वाढत्या गॅस सिलिंडरच्या किमती आणि व्यावसायिक वापरासाठी लागणाऱ्या इंधनाचा खर्च कमी करण्यासाठी अनेकदा छोटे व्यावसायिक नवनवीन मार्ग शोधत असतात. मीरा रोड परिसरात सध्या अशाच एका ‘चहावाल्याची’ जोरदार चर्चा सुरू आहे, जो गॅसऐवजी चक्क डिझेलवर चालणाऱ्या स्टोव्हचा वापर करून चहा तयार करत आहे.
सहसा चहाच्या टपरीवर गॅस शेगडी किंवा कोळशाचा वापर पाहिला जातो. मात्र, मीरा रोडच्या या भागात एका विक्रेत्याने डिझेलवर चालणारा जुन्या पद्धतीचा किंवा सुधारित स्टोव्ह वापरून आपला व्यवसाय सुरू ठेवला आहे. डिझेलच्या उच्च ज्वलनक्षमतेमुळे चहासाठी लागणारे दूध आणि पाणी जलद गतीने गरम होते, ज्यामुळे ग्राहकांना तातडीने गरमागरम चहा मिळतो.
या अनोख्या पद्धतीमुळे केवळ चहाची चवच नाही, तर तो बनवण्याची पद्धत पाहण्यासाठीही नागरिक येथे गर्दी करत आहेत. एका ग्राहकाने सांगितले की,।आजकाल सगळीकडे गॅसचा वापर होतो, पण डिझेल स्टोव्हचा तो विशिष्ट आवाज आणि चहाची चव काहीशी वेगळी आणि जुन्या आठवणींना उजाळा देणारी आहे.