ठाणे : बहारीन येथे झालेल्या आशियाई युवा क्रीडा या प्रतिष्ठित स्पर्धेत शौर्याने १०० मीटर हर्डल्स शर्यतीत अवघ्या १३.७३ सेकंदात वैयक्तिक सर्वोत्तम कामगिरी करत रौप्य पदक पटकावले आहे.
ठाण्यातील युनिव्हर्सल स्कूलमध्ये अकरावी विज्ञान शाखेत शिक्षण घेत असलेली शौर्या, एआयएम स्पोर्ट्स फाऊंडेशन येथे प्रशिक्षक अजित कुलकर्णी यांच्या मार्गदर्शनाखाली सातत्याने मेहनत करत आहे. तिच्या या यशामागे कठोर परिश्रम, शिस्त आणि योग्य प्रशिक्षणाचा मोलाचा वाटा आहे.