दुबई येथील आशियाई चॅम्पियनशिपमध्ये महाराष्ट्राची छाप
ठाणे: दुबई येथील एफआयएसएएफ आशियाई एरोबिक्स आणि हिप हॉप चॅम्पियनशिप २०२५ मध्ये नुकत्याच झालेल्या फिटनेस एरोबिक्स आणि स्पोर्ट्स एरोबिक्समध्ये १६ सुवर्ण, ६ रौप्य पदके आणि हिप-हॉप बॅटलमध्ये एक ट्रॉफी जिंकून भारतातील (महाराष्ट्र) सहा उत्साही मुलींनी देशाचे नाव उंचावले.
१ ते ३ जुलै २०२५ रोजी दुबई येथे झालेल्या या स्पर्धेत चमकदार कामगिरीने सांची तावडेने चार सुवर्ण आणि एक रौप्य पदक, साची पटेलने तीन सुवर्ण आणि दोन रौप्य पदके, पंथी पोकरने फिटनेस एरोबिक्समध्ये तीन सुवर्ण आणि दोन रौप्य पदके जिंकली.
वैयक्तिक क्रीडा एरोबिक्स प्रकारात यज्ञी घाडीगावकरने एक सुवर्णपदक आणि अमूल्या राणेने एक सुवर्णपदक जिंकले आणि अदिती वाल्मिकीने चार सुवर्ण, एक रौप्य पदक फिटनेस एरोबिक्स आणि हिप हॉप बॅटलमध्ये एक ट्रॉफी जिंकली.
या प्रतिभावान सहा मुली ठाणे येथील श्री माँ विद्यालयाच्या विद्यार्थिनी आहेत. २०२५ ची दुबई अजिंक्यपद स्पर्धा साध्य करण्यात मुख्य भूमिका प्रशिक्षक रोहिणी गाडगीळ यांची आहे.