News
Stay updated with the latest stories, happenings, and developments from Thane.
क्रीडा
इंग्लंड अ महिलांनी भारत अ महिलांविरुद्ध टी20 मालिका 1-1 च्या बरोबरीत आणली
इंग्लंड अ महिलांनी भारत अ महिलांविरुद्ध टी20 मालिका 1-1 च्या बरोबरीत आणली
फोटो: ठाणे वैभव
इंग्लंड अ महिलांनी शुक्रवारी भारत अ महिलांविरुद्ध दुसऱ्या टी-२० सामन्यात चार गडी राखून विजय मिळवला आणि त्यांच्यातील तीन सामन्यांची टी20 मालिका १-१ अशी बरोबरीत आणून ठेवली.
मुंबईच्या वानखेडे स्टेडियमवर प्रथम फलंदाजी करताना भारताने 20 षटकात 149 धावा केल्या. कनिका आहुजा (14 चेंडूत 27 धावा), उमा चेत्री (14 चेंडूत 26 धावा), आणि आरुषी गोयल (26 चेंडूत नाबाद 26) यांनी बॅटने उपयुक्त योगदान दिले. मात्र, भारताच्या एकाही फलंदाजाला मोठी धावसंख्या करता आली नाही कारण इंग्लंड अ चे गोलंदाज त्यांच्यावर सतत नियंत्रण ठेवून होते. कर्स्टी गॉर्डनने चार षटकांत २८ धावा देऊन तीन गडी बाद केले आणि तिला कर्णधार चार्ली डीनने चांगली साथ दिली, जिने चार षटकांत ३६ धावा देऊन दोन विकेट्स पटकावल्या.
प्रत्युत्तरात इंग्लंड अ संघाने मागील सामना तीन धावांनी गमावल्यानंतर, अधिक जबाबदारीने फलंदाजी करण्याचा निर्धार केला. त्यांनी 18.5 षटकांत चार विकेट्स राखून लक्ष्याचा यशस्वीपणे पाठलाग केला. ग्रेस स्क्रिव्हन्स (34 चेंडूत 39 धावा) आणि इस्सी वोंग (15 चेंडूत नाबाद 35), जिने दिवसाच्या सुरुवातीला एक विकेटही घेतली, त्यांनी उत्तम फलंदाजी केली. भारत अ संघाची कर्णधार मिन्नू मणी हिने तीन षटकांत २९ धावा लुटल्या पण दोन विकेट्स घेऊन तिच्या संघाची सर्वात यशस्वी गोलंदाज ठरली.
मालिका १-१ अशा बरोबरीत असताना तिसरी टी-20 दोन्ही संघांसाठी अत्यंत महत्वाची आहे. हा सामना 3 डिसेंबर रोजी मुंबईच्या वानखेडे स्टेडियमवर होणार आहे. सामना दुपारी 1.30 वाजता सुरू होईल आणि त्याचे थेट प्रक्षेपण जिओ सिनेमावर केले जाईल.
ADVERTISEMENT 300x475
ADVERTISEMENT 300x475