News
Stay updated with the latest stories, happenings, and developments from Thane.
क्रीडा
इंग्लंडच्या बाझबॉलचा तिसऱ्या कसोटीच्या दुसऱ्या दिवशी विजय
इंग्लंडच्या बाझबॉलचा तिसऱ्या कसोटीच्या दुसऱ्या दिवशी विजय
फोटो: ठाणे वैभव
क्रिकेटच्या बाझबॉल शैलीसाठी ओळखल्या जाणाऱ्या इंग्लंडने शुक्रवारी राजकोट येथे भारताविरुद्धच्या तिसऱ्या कसोटीच्या दुसऱ्या दिवशी प्रति षटकात जवळपास सहा धावा केल्या आणि भारताच्या गोलंदाजीवर ३५ षटकांत केवळ दोन गडी गमावून २०७ धावा केल्या.
इंग्लंडचा सलामीचा फलंदाज, बेन डकेट (११८ चेंडूत १३३ नाबाद), याने तिसरे कसोटी शतक झळकावले आणि तो त्याच्या संघासाठी सर्वोत्कृष्ट खेळडू ठरला. दिवसाचा खेळ समाप्त झाल्यावर भारताचा कर्णधार रोहित शर्मा याने डकेटला शाबासकी दिली.
या डावखुऱ्या फलंदाजाने आपल्या सलामीचा जोडीदार झॅक क्रॉली (१५) याच्यासोबत केवळ ७९ चेंडूंत ८९ धावांची अस्खलित भागीदारी रचली आणि संघाला उत्तम सुरुवात करून दिली. तथापि, रविचंद्रन अश्विनने क्रॉलीला बाद करून ही शानदार भागीदारी तोडली आणि त्याचबरोबर कसोटी क्रिकेटमध्ये आपले ५०० बळी पूर्ण केले.
नंतर डकेटने ऑली पोप (३९) याच्याशी हातमिळवणी करून दुसऱ्या विकेटसाठी ९३ धावांची भागीदारी केली. परंतु मोहम्मद सिराजने पोपला तंबूत पाठवले आणि इंग्लंडला दुसरा झटका दिला. पाहुण्यांनी जरी दोन विकेट गमावल्या असतील पण दिवसअखेरीस त्यांचा डाव कसा संपन्न झाला याबद्दल त्यांना आनंद होईल. डकेट आणि जो रूट (१३ चेंडूत ९ नाबाद) तिसऱ्या दिवसाचा खेळ सुरु करतील. इंग्लंड २३८ धावांनी पिछाडीवर आहे.
दिवसाच्या सुरुवातीस, इंग्लंडने भारतीय संघाचे राहिलेले पाच विकेट्स घेऊन त्यांना सर्वबाद केले. भारताने पहिल्या दिवशी ३२६ धावा केल्या होत्या आणि दुसऱ्या दिवशी ११९ धावांची भर पाडून ४४५ धावांचा टप्पा गाठला. मार्क वुडने (४/११४) सर्वाधिक विकेट्स पटकावल्या आणि त्याला रेहान अहमदची (२/८५) चांगली साथ लाभली. जेम्स अँडरसन (१/६१), टॉम हार्टले (१/१०९) आणि रूट (१/७०) यांनी सुद्धा गोलंदाजीत हातभार लावला.
ADVERTISEMENT 300x475
ADVERTISEMENT 300x475