महिला टी-२० आशिया चषकाच्या उपांत्य फेरीत बांगलादेशशी लढण्यासाठी भारत सज्ज

साखळी टप्प्यातील सर्व तीन सामने जिंकल्यानंतर, गतविजेता भारत महिला टी-२० आशिया चषक स्पर्धेच्या पहिल्या उपांत्य फेरीत बांगलादेशशी सामना करण्यासाठी सज्ज झाला आहे. आशिया चषक २०१८चे विजेते बांगलादेश, ज्यांनी स्पर्धेतील तीन पैकी दोन लीग सामने जिंकले आहेत, ते कडवी झुंज देण्याचा प्रयत्न करतील. रंगीरी डंबुला आंतरराष्ट्रीय स्टेडियम शुक्रवारी भारत आणि बांगलादेश यांच्यातील रोमांचक सामना आयोहित करण्यास तयार आहे.   आमने-सामने एकमेकांविरुद्ध खेळल्या गेलेल्या २२ टी-२० सामन्यांपैकी भारताने १९ जिंकून वर्चस्व राखले आहे, तर बांगलादेशने तीन विजय मिळवले आहेत.   संघ भारत: हरमनप्रीत कौर (कर्णधार), रिचा घोष (यष्टीरक्षक), उमा चेत्री (यष्टीरक्षक), स्मृती मानधना (उप कर्णधार), शफाली वर्मा, दीप्ती शर्मा, पूजा वस्त्राकर, अरुंधती रेड्डी, जेमिमाह रॉड्रिग्स, रेणुका ठाकूर, दयालन हेमलता, आशा शोभना, राधा यादव, तनुजा कंवर, सजना सजीवन बांगलादेशः निगर सुलताना जोती (कर्णधार आणि यष्टीरक्षक), शोर्ना अक्तर, नाहिदा अक्तर, मुर्शिदा खातून, शोरिफा खातून, रितू मोनी, रुबिया हैदर झेलिक, सुलताना खातून, जहानारा आलम, दिलारा अक्तर, इश्मा तंजीम, राबेया खान, रुमाना अहमद, मारुफा अक्तर, सबिकुन नाहर जेस्मिन   कुठल्या खेळाडूंवर लक्ष ठेवायचे शफाली वर्मा: भारताची ही उजव्या हाताची सलामीवीर फलंदाजी उत्कृष्ट फॉर्ममध्ये आहे आणि तिने तीन सामन्यांमध्ये १६६च्या तुफानी स्ट्राइक रेट आणि ५३च्या सरासरीने १५८ धावा केल्या आहेत. ती भारतासाठी सर्वाधिक धावा करणारी आणि स्पर्धेत दुसऱ्या क्रमांकाची सर्वाधिक धावा करणारी खेळाडू आहे. दीप्ती शर्मा: भारताची ही ऑफस्पिनर टूर्नामेंटमध्ये तीन सामन्यांत आठ विकेटसह आघाडीची विकेट घेणारी गोलंदाज आहे. तीनपैकी दोन सामन्यात तिने तीन-तीन विकेट्स घेतल्या आहेत. तिची इकॉनॉमी ४.७ची आहे. तिच्या गोलंदाजीबरोबरच ती खालच्या क्रमवारीत फलंदाजीतही योगदान देऊ शकते. मुर्शिदा खातून: बांगलादेशच्या या डावखुऱ्या सलामीच्या फलंदाजाने दोन सामन्यात दोन अर्धशतके झळकावली आहेत. तिने आपल्या संघाला चांगली सुरुवात करून दिली आहे आणि भारताविरुद्धच्या उपांत्य फेरीत तिच्याकडून तशीच अपेक्षा असेल. नाहिदा अक्तर: बांगलादेशच्या या डावखुऱ्या फिरकीपटूने या स्पर्धेत तीन सामन्यांत केवळ ३.२५च्या इकॉनॉमीने गोलंदाजी केली आहे. तिच्या नावावर पाच विकेट्स आहेत. तिने पॉवरप्लेमध्ये आक्रमक गोलंदाजी करून चांगले प्रदर्शन केले आहे.   खेळपट्टी खेळपट्टी फलंदाजीसाठी अनुकूल असेल. भरपूर धावांची अपेक्षा करा. तथापि, हवेशीर वातावरणाचा चांगला उपयोग करणारे गोलंदाज विकेट्सच्या रूपात भरपूर लाभांश मिळवू शकतात.   हवामान हवामान ढगाळ (९८% ढगांचे आच्छादन) आणि सुमारे २८ अंश सेल्सिअस तापमानासह हवादार असेल. पावसाची ४०% शक्यता आहे.   सामन्याची थोडक्यात माहिती तारीख: २६ जुलै २०२४ वेळ: दुपारी २:०० वाजता स्थळ: रंगिरी डंबुला आंतरराष्ट्रीय स्टेडियम, डंबुला प्रसारण: डिस्नी + हॉटस्टार, स्टार स्पोर्ट्स