जिल्हा

पोलीस असल्याची बतावणी करून वृद्धाची केली फसवणूक

calendar_today 04 May 2026

schedule 5 मिनिटे वाचन

visibility 28 Views bookmark share

पोलीस असल्याची बतावणी करून वृद्धाची केली फसवणूक फोटो: ठाणे वैभव

कल्याण: कल्याण शहरात फसवणुकीची आणखी एक धक्कादायक घटना समोर आली आहे. कोळसेवाडी पोलिस ठाण्यात नोंदवलेल्या गुन्ह्यानुसार, पोलिस अधिकारी असल्याचे भासवून एका भामट्याने 72 वर्षीय व्यक्तीचे सुमारे 90 हजार रुपयांचे सोन्याचे दागिने लंपास केले. याबाबत पोलिसांकडून मिळालेली माहिती अशी की, कल्याण पूर्वेतील चिंचपाडा परिसरात सेवानिवृत्त असलेले हिरालाल पाटील (७२) हे २ मे रोजी दुपारी २च्या सुमारास १०० फूट रोड, म्हात्रे नाका येथून पायी घरी जात असताना अज्ञात व्यक्तीने त्यांना ढकलले. काही वेळाने तो व्यक्ती परत आला आणि त्याने मोबाईल खराब केल्याचा आरोप त्या वृद्धावर करू लागला. यानंतर त्यांनी पोलिस असल्याचे भासवून प्रकरण सोडविण्याच्या बहाण्याने त्यांना रिक्षात बसण्यास सांगितले. या गुंडाने चतुराईने त्यांना संभाषणात गुंतवून त्यांची 10 ग्रॅम सोन्याची चेन आणि पाच ग्रॅमची अंगठी काढून पळ काढला. चोरीला गेलेल्या मालाची एकूण किंमत सुमारे ९० हजार रुपये असल्याचे सांगण्यात येत आहे. याप्रकरणी कोळसेवाडी पोलिसांनी अज्ञात आरोपीविरुद्ध गुन्हा दाखल केला आहे. आरोपींचा शोध सुरू आहे. ओळख नसलेल्या कोणत्याही व्यक्तीवर विशेषत: पोलीस किंवा सरकारी अधिकारी असल्याची बतावणी करून दबाव आणणाऱ्यांवर विश्वास ठेवू नये, असे आवाहन पोलिसांनी नागरिकांना केले आहे.