जिल्हा

मोठ्या होर्डिंग्जचे स्ट्रक्चरल ऑडिट करण्याचे निर्देश

calendar_today 15 July 2026

schedule 5 मिनिटे वाचन

visibility 1 Views bookmark share

मोठ्या होर्डिंग्जचे स्ट्रक्चरल ऑडिट करण्याचे निर्देश फोटो: ठाणे वैभव

अनधिकृत होर्डिंग्ज तत्काळ हटवा - एकनाथ शिंदे ठाणे : ठाण्यात घडलेल्या दुर्दैवी होर्डिंग दुर्घटनेची उपमुख्यमंत्री एकनाथ शिंदे यांनी गंभीर दखल घेतली आहे. त्यांनी तत्काळ ठाणे महानगरपालिका आयुक्तांना फोन करून शहरातील सर्व अनधिकृत होर्डिंग्ज तातडीने निष्कासित करण्याचे आदेश दिले आहेत. पावसाळ्यात वाऱ्या-पावासामुळे पुन्हा अशी कोणतीही दुर्घटना घडू नये, यासाठी शहरातील सर्व मोठ्या होर्डिंग्जचे तातडीने स्ट्रक्चरल ऑडिट करण्याचे कडक निर्देशही उपमुख्यमंत्र्यांनी दिले आहेत. धोकादायक ठरणाऱ्या होर्डिंग्जवर आणि बेकायदेशीर फलक लावणाऱ्या दोषींवर कठोर कायदेशीर कारवाई करण्यात यावी, असे त्यांनी स्पष्ट केले. उपमुख्यमंत्र्यांच्या या आदेशानंतर पालिका प्रशासन ॲक्शन मोडमध्ये आले असून सोमवारी रात्रीपासूनच शहरात कारवाईची मोहीम हाती घेण्यात आली आहे.