बुधवारी मँचेस्टरमधील एमिरेट्स ओल्ड ट्रॅफर्ड येथे इंग्लंडविरुद्ध चौथ्या टी-20 सामन्यात विजय मिळवून भारतीय महिला क्रिकेट संघाने इतिहास रचला. पाहुण्या संघाने पाच सामन्यांची टी-20 मालिका तर खिशात घातलीच पण त्याचसोबत इंग्लंडवर पहिल्यांदाच द्विपक्षीय टी-20 मालिकेत मात केली. यजमान संघाने जरी टी-20 मालिका गमावली असली तरी, 16 जुलैपासून सुरू होणाऱ्या तीन सामन्यांची एकदिवसीय मालिका लक्षात घेता त्यांना या सुरु असलेल्या मालिकेत पाचव्या आणि शेवटच्या सामन्यात विजय नोंदवायला नक्कीच आवडेल. इंग्लंड आणि भारत शनिवारी बर्मिंगहममधील एजबॅस्टन येथे अंतिम टी-20 सामन्यासाठी भिडतील.
आमने-सामने
भारत आणि इंग्लंडने एकमेकांविरुद्ध एकूण 34 आंतरराष्ट्रीय टी-20 सामने खेळले आहेत. त्यापैकी इंग्लंडने 23 तर भारताने 11 सामने जिंकले आहेत. इंग्लंडमध्ये खेळल्या गेलेल्या सामन्यांत इंग्लंड 9-7 ने आघाडीवर आहे.
संघ
इंग्लंड: नॅटली सिव्हर-ब्रंट (कर्णधार)*, एमिली अर्लॉट, टॅमी बोमाँट (यष्टीरक्षक), लॉरेन बेल, अॅलिस कॅप्सी, चार्ली डीन, सोफिया डन्कली, सोफी एक्लस्टन, लॉरेन फायलर, एमी जोन्स (यष्टीरक्षक), पेज शोलफिल्ड, लिंसी स्मिथ, डॅनी वायट-हॉज, इस्सी वाँग
*डाव्या मांडीच्या दुखापतीमुळे नॅटली सिव्हर-ब्रंट भारताविरुद्धच्या पाचव्या टी-20 सामन्याला मुकणार आहे. सिव्हर-ब्रंटच्या अनुपस्थितीत टॅमी बोमाँट इंग्लंडचे नेतृत्व करेल.
भारत: हरमनप्रीत कौर (कर्णधार), स्मृती मानधना, शेफाली वर्मा, जेमिमा रॉड्रिग्ज, रिचा घोष (यष्टीरक्षक), यास्तिका भाटिया (यष्टीरक्षक), हर्लिन देओल, दीप्ती शर्मा, स्नेह राणा, श्री चरणी, राधा यादव, अमनजोत कौर, अरुंधती रेड्डी, क्रांती गौड, सायली सातघरे
कोणत्या खेळाडूंवर लक्ष असेल
सोफिया डन्कली: इंग्लंडची उजव्या हाताची सलामीवीर फलंदाज भारताविरुद्धच्या चौथ्या टी-20 सामन्यात तिच्या संघासाठी सर्वाधिक धावा करणारी फलंदाज होती. जरी तो सामना कमी धावसंख्येचा ठरला असला तरी डन्कलीने इंग्लंडसाठी एका बाजूने डाव सांभाळला. तिने 19 चेंडूत 22 धावा केल्या, ज्यामध्ये दोन चौकारांचा समावेश होते.
सोफी एक्लस्टन: महिला आंतरराष्ट्रीय टी-20 क्रिकेटमध्ये एकेकाळी अव्वल क्रमांकावर असणाऱ्या या इंग्लंडच्या डावखुऱ्या फिरकी गोलंदाजाने भारताविरुद्धच्या चौथ्या टी-20 सामन्यात सर्वात किफायतशीर गोलंदाजी केली. तिने चार षटकांत 20 धावा दिल्या. तिच्या नावावर स्मृती मानधनाची मोठी विकेट होती.
स्मृती मानधन: भारताच्या या शैलीपूर्ण डाव्या हाताच्या सलामीवीराने या टी-20 मालिकेत धावांचा अविरत डोंगर रचला आहे. तिच्या मागील सामन्यातही भारताच्या या उपकर्णधाराने 31 चेंडूत 32 धावा केल्या. तिचा डाव पाच चौकारांनी सजला होता.
राधा यादव: भारताच्या डाव्या हाताच्या फिरकीपटूने इंग्लंडविरुद्धच्या चौथ्या टी-20 सामन्यात चार षटकांत 15 धावा देऊन दोन विकेट्स घेतल्या. तिने मधल्या आणि भैरवीच्या षटकांत चांगली गोलंदाजी केली. तिला या अप्रतिम प्रदर्शनासाठी सामनावीराचा पुरस्कार मिळाला.
सामन्याची थोडक्यात माहिती
दिनांक: 12 जुलै 2025
वेळ: रात्री 11:05 वाजता
ठिकाण: एजबॅस्टन, बर्मिंगहम
प्रक्षेपण: सोनी स्पोर्ट्स नेटवर्क