भारतीय महिला क्रिकेट संघाला इंग्लंडविरुद्ध इतिहास रचण्यासाठी आणखी थोडी वाट पाहावी लागेल. सध्या सुरु असलेल्या पाच सामन्यांच्या टी-20 मालिकेत भारताने पहिले दोन सामने जिंकून आघाडी घेतली आहे. मात्र लंडनमधील केनिंगटन ओव्हल येथे शुक्रवारी झालेल्या तिसऱ्या टी-20मध्ये भारताला इंग्लंडने पाच धावांनी धूळ चारून पुनरागमन केले आणि मालिका जीवित ठेवली.
इंग्लंड आणि भारत यांच्यातील चौथा टी-20 सामना बुधवारी मँचेस्टरमधील एमिरेट्स ओल्ड ट्रॅफर्ड येथे खेळला जाईल. जर भारताने चौथ्या टी-20 सामन्यात विजयाचा झेंडा फडकावला तर ते पहिल्यांदाच इंग्लंडविरुद्ध टी-20 मालिकेत विजय नोंदवतील.
संघ
इंग्लंड: नॅटली सिव्हर-ब्रंट (कर्णधार)*, एमिली अर्लॉट, टॅमी बोमाँट (यष्टीरक्षक), लॉरेन बेल, अॅलिस कॅप्सी, चार्ली डीन, सोफिया डन्कली, सोफी एक्लस्टन, लॉरेन फायलर, एमी जोन्स (यष्टीरक्षक), पेज शोलफिल्ड, लिंसी स्मिथ, डॅनी वायट-हॉज, इस्सी वाँग
*डाव्या मांडीच्या दुखापतीमुळे नॅटली सिव्हर-ब्रंट भारताविरुद्धच्या चौथ्या टी-20 सामन्याला मुकणार आहे. सिव्हर-ब्रंटच्या अनुपस्थितीत टॅमी बोमाँट इंग्लंडचे नेतृत्व करेल.
भारत: हरमनप्रीत कौर (कर्णधार), स्मृती मानधना, शेफाली वर्मा, जेमिमा रॉड्रिग्ज, रिचा घोष (यष्टीरक्षक), यास्तिका भाटिया (यष्टीरक्षक), हर्लिन देओल, दीप्ती शर्मा, स्नेह राणा, श्री चरणी, राधा यादव, अमनजोत कौर, अरुंधती रेड्डी, क्रांती गौड, सायली सातघरे
आमने-सामने
भारत आणि इंग्लंडने एकमेकांविरुद्ध एकूण 33 आंतरराष्ट्रीय टी-20 सामने खेळले आहेत. त्यापैकी इंग्लंडने 23 तर भारताने 10 सामने जिंकले आहेत. इंग्लंडमध्ये खेळल्या गेलेल्या सामन्यांत इंग्लंड 9-6 ने आघाडीवर आहे.
कोणत्या खेळाडूंवर लक्ष असेल
सोफिया डन्कली: इंग्लंडच्या या उजव्या हाताच्या सलामीवीर फलंदाजाने भारताविरुद्धच्या तिसऱ्या टी-20 सामन्यात 53 चेंडूत 75 धावा करून संघासाठी सर्वाधिक धावा रचल्या. तिने तिच्या मनोरंजक डावात सात चौकार आणि एक षटकार मारला. तिच्या उत्कृष्ट फलंदाजी कामगिरीसाठी तिने सामनावीराचा पुरस्कार जिंकला.
लॉरेन फायलर: इंग्लंडच्या या उजव्या हाताच्या वेगवान गोलंदाजाने भारताविरुद्धच्या तिसऱ्या टी-20 सामन्यात चार षटकांत 30 धावा देऊन दोन विकेट्स पटकावल्या. तिने सलग दोन षटकांत स्मृती मानधना आणि जेमिमा रॉड्रिग्ज यांच्या महत्त्वाच्या विकेट्स घेतल्या.
स्मृती मानधना: भारताची उपकर्णधार तीन सामन्यांत 181 धावा करून जबरदस्त फॉर्ममध्ये आहे. या डावखुऱ्या सलामीवीराने आतापर्यंत या मालिकेत सर्वाधिक धावा केल्या आहेत. पुन्हा एकदा, तिच्याकडून टीम इंडियाला चांगली सुरुवात मिळण्याची अपेक्षा आहे.
दीप्ती शर्मा: इंग्लंडविरुद्धच्या तिसऱ्या टी-20 सामन्यात भारताच्या या ऑफ-स्पिन गोलंदाजाने प्रभावित केले. तिने चार षटकांत 27 धावा देत तीन विकेट्स घेतल्या. तिच्या तिन्ही विकेट्स भैरवीच्या षटकांत आल्या. गोलंदाजी शिवाय, ती खालच्या फळीत फलंदाजी करण्यास उपयुक्त ठरू शकते.
सामन्याची थोडक्यात माहिती
दिनांक: 9 जुलै 2025
वेळ: रात्री 11:00 वाजता
ठिकाण: एमिरेट्स ओल्ड ट्रॅफर्ड, मँचेस्टर
प्रक्षेपण: सोनी स्पोर्ट्स नेटवर्क