दोन हृदयद्रावक पराभवांनी आपल्या विश्वचषक मोहिमेची सुरुवात केल्यानंतर, जगातील चौथ्या क्रमांकाचा एकदिवसीय संघ, न्यूझीलंड, आता स्वतःला सावरत पहिल्या गुणांच्या शोधात बांगलादेशविरुद्ध शुक्रवारच्या सामन्यात (स्पर्धेचा 11वा सामना, ICC महिला क्रिकेट विश्वचषकाची 13वी आवृत्ती) मैदानात उतरणार आहे.
व्हाईट फर्न्ससाठी हे आव्हान सोपे नसेल, कारण बांगलाच्या वाघिणींनी स्पर्धेत जोरदार डरकाळी फोडली आहे. पहिल्या सामन्यात त्यांनी पाकिस्तानचा खुर्दा उडवला आणि चार वेळचे चॅम्पियन इंग्लंडला चांगली झुंज दिली.
जेव्हा हे दोन संघ दोन हात करण्यास गुवाहाटीच्या मैदानावर भेटतील तेव्हा लढत असेल ती न्यूझीलंडच्या फलंदाजांमध्ये आणि बांगलादेशच्या गोलंदाजांमध्ये.
काय बांगलादेशची मरुफा अख्तर तिसऱ्यांदा या विश्वचषकात पहिल्याच षटकात विकेट काढेल की न्यूझीलंडच्या स्मॅश सिस्टर्स त्यांच्या संघाला विजयी रथावर बसवतील?
आमने-सामने
बांगलादेश आणि न्यूझीलंड यांच्यात आजवर चार एकदिवसीय सामने झाले आहेत, त्यापैकी दोन न्यूझीलंडने जिंकले असून दोन सामने अनिर्णायक ठरले. विश्वचषकात हे संघ फक्त एकदाच भिडले (2022 मध्ये). त्या सामन्यात न्यूझीलंडने 141 धावांचा पाठलाग करताना बांगलादेशचा नऊ गडी राखून पराभव केला होता.
संघ
बांगलादेश: निगर सुलताना जोती (कर्णधार), नाहिदा आक्तर, फर्गाना हक, रुब्या हैदर झेलिक, शार्मिन आक्तर सुप्ता, शोभना मोस्तरी, रितु मोनी, शॉर्ना आक्तर, फहीमा खातून, रबिया खान, मारुफा आक्तर, फरीहा इस्लाम त्रिस्ना, शांजिदा आक्तर मागला, निशिता आक्तर निशी, सुमैया आक्तर
न्यूझीलंड: सोफी डिव्हाइन (कर्णधार), सुझी बेट्स, ईडन कार्सन, फ्लोरा डेव्हनशायर, इझी गेज (यष्टीरक्षक), मॅडी ग्रीन, ब्रुक हॅलिडे, ब्री इलींग, पॉली इंग्लिस (यष्टीरक्षक), बेला जेम्स, अमिलिया कर, जेस कर, रोजमेरी मेयर, जॉर्जिया प्लिमर, लिया ताहूहू
कोणत्या खेळाडूंवर लक्ष असेल
शोभना मोस्तरी: उजव्या हाताची मधल्या फळीतील फलंदाज, जिने इंग्लंडविरुद्धच्या मागील सामन्यात 60 धावा करून संघासाठी सर्वाधिक धावा केल्या.
मारुफा अख्तर: बांगलादेशची उजव्या हाताची वेगवान गोलंदाज, जिने या विश्वचषकात आतापर्यंत दोन सामन्यांमध्ये पहिल्याच षटकात विकेट घेतली आहे.
सोफी डिव्हाइन: न्यूझीलंडची कर्णधार, जिने या विश्वचषकात आतापर्यंत दोन सामन्यांत 197 धावा केल्या आहेत, ज्यात सर्वोत्तम खेळी 112 धावांची आहे.
अमिलिया कर: न्यूझीलंडची फिरकीपटू, जिने आतापर्यंत चार विकेट्स घेतल्या आहेत. तिच्या गुगलीने ती फलंदाजांना फिरकीच्या जाळ्यात अडकवते.
सामन्याची थोडक्यात माहिती
तारीख: 10 ऑक्टोबर, 2025
वेळ: दुपारी 3:00 वाजता
स्थळ: बारसापारा क्रिकेट स्टेडियम, गुवाहाटी
थेट प्रक्षेपण: स्टार स्पोर्ट्स नेटवर्क, जिओहॉटस्टार