भारत आणि दक्षिण आफ्रिका यांच्यातील दुसऱ्या टी-20 ला पावसाचा धोका

Photo credits: X/BCCI

भारत आणि दक्षिण आफ्रिका यांच्यातील दुसरा टी-20 सामना 12 डिसेंबर रोजी सेंट जॉर्ज पार्क, केबेरहा येथे खेळवला जाईल. चाहत्यांना आणि दोन्ही संघांना पूर्ण सामना होण्याची आशा असेल कारण पहिला टी-20 सामना पावसामुळे रद्द करण्यात आला. भारत आणि दक्षिण आफ्रिकेला 2024 च्या आयसीसी पुरुषांच्या टी-20 क्रिकेट विश्वचषकापूर्वी फक्त पाच टी-20 खेळता येतील म्हणून इथून प्रत्येक सामना त्यांच्यासाठी अत्यंत महत्वाचा आहे. या मालिकेत ज्या खेळाडूचे चांगले प्रदर्शन असेल त्याला त्याच्या संघात विश्वचषकासाठी जागा पक्की करण्याची संधी आहे.

 

संघ

दक्षिण आफ्रिका: रीझा हेंड्रिक्स, ब्रिटजकी, ट्रिस्टन स्टब्स, एडन मार्कराम (कर्णधार), हेनरिक क्लासेन (यष्टीरक्षक), डेव्हिड मिलर, अँडीले फेहलुक्वायो, केशव महाराज, जेरल्ड कोएत्झी, नांद्रे बर्गर, तबरेझ शम्सी, ओटनीएल बार्टमन, मार्को यानसन, डोनोवन फरेरा, लिझाद विल्यम्स

भारत: यशस्वी जैस्वाल, शुभमन गिल, श्रेयस अय्यर, सूर्यकुमार यादव (कर्णधार), रिंकू सिंग, जितेश शर्मा (यष्टीरक्षक), रवींद्र जडेजा, दीपक चहर, रवी बिश्नोई, मोहम्मद सिराज, अर्शदीप सिंग, इशान किशन, मुकेश कुमार, वॉशिंग्टन सुंदर, रुतुराज गायकवाड, टिळक वर्मा, कुलदीप यादव

 

भारत आणि दक्षिण आफ्रिका टी-20 क्रिकेटमध्ये आमने सामने

भारत आणि दक्षिण आफ्रिका एकमेकांविरुद्ध 24 टी-20 सामने खेळले आहेत, ज्यात भारताने 13 जिंकले आहेत, दक्षिण आफ्रिकेने 10 जिंकले आहेत आणि एका सामन्याचा निकाल लागला नाही. दक्षिण आफ्रिकेत, त्यांनी सात टी-20 सामने खेळले आहेत, त्यापैकी भारताने पाच आणि दक्षिण आफ्रिकेने दोन जिंकले आहेत.

  भारत दक्षिण आफ्रिका
आयसीसी टी-20 रँकिंग 1 6
टी-20 क्रिकेटमध्ये आमने सामने 13 10
दक्षिण आफ्रिकेत 5 2

 

कुठल्या खेळाडूंवर लक्ष ठेवायचे?

शुभमन गिल: भारताचा उजव्या हाताचा सलामीवीर हा सध्याच्या काळातील क्रिकेट बॉलचा सर्वात उत्तम स्ट्रायकर आहे. विश्‍वचषक स्पर्धेनंतर विश्रांती घेऊन तो आता पुन्हा मैदानावर उतरला आहे. गिलने 11 टी-20 सामन्यांमध्ये जवळपास 150 च्या स्ट्राइक रेटने 304 धावा केल्या आहेत. तो खेळाच्या इतर फॉरमॅटप्रमाणेच भारताला चांगली सुरुवात देईल अशी अपेक्षा आहे.

मोहम्मद सिराज: भारताचा उजव्या हाताचा वेगवान गोलंदाजाला दक्षिण आफ्रिकेतील परिस्थितींमध्ये गोलंदाजी करायला मजा येईल कारण येथे अतिरिक्त वेग आणि उसळी असेल. विश्वचषकात चांगली कामगिरी केल्यानंतर सिराज आपल्या टी-20 खेळीकडे लक्ष देईल. या 29 वर्षीय खेळाडूने आठ टी-20 सामन्यांमध्ये 11 बळी घेतले आहेत, ज्यामध्ये एक चार विकेट हॉल देखील आहे.

एडन मार्कराम: दक्षिण आफ्रिकेच्या कर्णधाराकडून खूप अपेक्षा असतील. 33 डावांमध्ये 1000 पेक्षा जास्त टी-20 धावा आणि 150 च्या स्ट्राइक रेटसह, तो त्याच्या संघाच्या फलंदाजीच्या क्रमात एक महत्त्वाची कडी आहे. याशिवाय, तो ऑफ स्पिन गोलंदाजी करण्यासाठी हात फिरवू शकतो आणि त्याच्या नावावर नऊ टी-20 विकेट्ससुद्धा आहेत.

गेरल्ड कोएत्झी: दक्षिण आफ्रिकेच्या उजव्या हाताच्या वेगवान गोलंदाजाने ऑक्टोबर-नोव्हेंबरमध्ये भारतात खेळल्या गेलेल्या विश्वचषकादरम्यान आपल्या गोलंदाजीची चमक दाखवली. तो जलद आणि चांगल्या टप्प्यावर गोलंदाजी करतो. त्याच्या नुकत्याच सुरु झालेल्या टी-20 करिअरमध्ये, त्याने अनेक तीन विकेट्स घेतल्या आहेत. तो दक्षिण आफ्रिकेसाठी नवीन चेंडूने गोलंदाजी करण्याची शक्यता आहे.

 

खेळपट्टी आणि परिस्थिती

या ठिकाणी आजपर्यंत पुरुषांच्या तीन आंतरराष्ट्रीय टी-20 सामने आयोजित केले गेले आहेत. तीन सामन्यांपैकी प्रथम फलंदाजी करणाऱ्या संघांनी दोन सामने जिंकले आहेत. येथे सर्वाधिक धावसंख्या 179 आणि सर्वात कमी 58 आहे. फलंदाजीसाठी परिस्थिती चांगली असली तरी ढगाळ हवामान वेगवान गोलंदाजांना मदत करू शकते. बॅट आणि बॉलमधील रोमांचक लढतीची अपेक्षा करा, जर पावसाने हजेरी लावली नाहीतर.

 

हवामान

मुख्यतः दिवसाच्या उत्तरार्धात दोन-तीन सरी पडून हवामान ढगाळ राहण्याचा अंदाज आहे. दिवसाचे कमाल तापमान 22 अंश सेल्सिअस राहील. 81% ढगांचे आच्छादन आणि 83% पावसाची शक्यता असेल. दक्षिण-नैऋत्येकडून वारे वाहतील.

 

माइलस्टोन अलर्ट

सूर्यकुमार यादवला आंतरराष्ट्रीय टी-20 क्रिकेटमध्ये 2000 धावा पूर्ण करण्यासाठी 15 धावांची गरज आहे

 

सामन्याची थोडक्यात माहिती

तारीख: १२ डिसेंबर २०२३

स्थळ: सेंट जॉर्ज पार्क, केबेरहा

वेळ: रात्री 8.30 वाजता

प्रसारण: डिस्ने+हॉटस्टार अॅप, स्टार स्पोर्ट्स नेटवर्क