समृद्धी महामार्गावर मोठी दुर्घटना;
* तीनजण जखमी तर काही ढिगाऱ्याखाली दबले
* समृद्धी महामार्गावर सरलांबे येथील दुर्घटना
शहापूर: ठाण्यात समृद्धी महामार्गाच्या तिसऱ्या टप्प्याच्या कामावेळी सोमवारी मध्यरात्री दुर्घटना घडली. शहापूर तालुक्यातील सरलांबे येथे पुलाचे काम सुरू असतांना गर्डर मशिन आणि क्रेन खाली कोसळल्याने २० मजूर ठार झाले तर तीन गंभीर जखमी आहेत. क्रेन आणि स्लॅब खाली अनेक जण दबले असल्याची भीती व्यक्त करण्यात येत आहे.
समृद्धी महामार्गाच्या ठाणे ते शिर्डी या तिसऱ्या टप्प्याचे काम सध्या सरु आहे. सोमवारी मध्यरात्रीच्या सुमारास समृद्धी महामार्गावर शहापूर सरलांबे येथे पुलाचे काम सुरू असतांना गर्डर आणि क्रेन अचानक कोसळली. गर्डर मशीनला जोडणारी क्रेन आणि स्लॅब तब्बल शंभर फूट उंचावरुन खाली असलेल्या मजूरांवर कोसळली. यात २० मजूरांचा आतापर्यंत मृत्यू झाला आहे. तर चार ते पाच जण जखमी झाले आहेत.२० मृतदेह हे शहापूर उपजिल्हा रुग्णालयात आणले आहेत तर तीन जखमी मजुरांवर उपचार सुरु आहेत. मृतांची संख्या आणखी वाढण्याची शक्यता आहे. दोन जखमींना ज्युपिटर हास्पिटलला हलविण्यात आले असून एक जण शहापूर उपजिल्हा रुग्णालयात उपचार घेत आहेत.
बळींची संख्या वाढण्याची भीती
दुर्घटनेची माहिती मिळताच सकाळी सात वाजता एनडीआरएफची दोन पथके घटनास्थळी दाखल झाली. त्यांच्यासोबत डॉग स्कॉड देखील असून ढिगाऱ्याखाली दबलेल्यांचा शोध सुरू आहे. मंगळवारी संध्याकाळी उशिरापर्यंत २० मृतदेह बाहेर काढण्यात आले असून तीन जखमी झाले आहेत. आणखी सहा जण कोसळलेल्या इमारतीत अडकल्याची भीती आहे. त्यामुळे मृतांची संख्या वाढण्याची भीती व्यक्त होत आहे.
@मदतीसाठी धावले शेकडो हात@
दरम्यान आजच्या अपघाताची बातमी समजताच शेकडो लोकांनी घटनास्थळी धाव घेऊन मदत कार्य केले.रात्रीच्या वेळी सर्व पोलीस यंत्रणा,आपत्ती व्यवस्थापन टीम,शहापूर मधील काही तरुण मंडळी,महसूल कर्मचारी अधिकारो,पोलीस प्रशासन मदतीसाठी कार्यरत आहे.
मृतांची नावे
१)अरविंदकुमार उपाध्याय ३३ उत्तरप्रदेश
२)गणेश रॉय ४० पश्चिम बंगाल
३)ललन राजभर ३८ उत्तर प्रदेश
४)परमेश्वर सहानी २५ उत्तर प्रदेश
५)नितीनसिंह विनोदसिंह २५ उत्तरप्रदेश
६)मनोजसिंह यादव ४९ बिहार
७)संतोष इलागोवन ३६ तामिळनाडू
८)राधेश्याम यादव ४० उत्तर प्रदेश
९)आनंदकुमार यादव २५ उत्तर प्रदेश
१०)पप्पूकुमार साव ३० बिहार
११)कनन वेदर्थीनम २३ कर्नाटक
१२)सुब्रोत सरकार २३ पश्चिम बंगाल
१३)सुरेंदर पासवान ३५ उत्तर प्रदेश
१४)बलराम सरकार – पश्चिम बंगाल
१५)लवकुश रामुदिन सावुकुमार २८ बिहार
१६)प्रदीपकुमार रॉय ४४ पश्चिम बंगाल
१७)मंगेश शर्मा ३४ उत्तराखंड
१८)सत्यप्रकाश पांडे ३० बिहार
१९)रामाशंकर यादव ४६ उत्तरप्रदेश
२०)सरोजकुमार जगदीशकुमार १८ उत्तरप्रदेश
जखमींची नावे
१प्रेमप्रकाश उपाध्याय ३७, बिहार
२)किशोर हिव ४०
३)चंद्रकांत वर्मा ३६