ठाणे: ठाणे शहरात क्रीडा आणि सांस्कृतिक महोत्सव होणार असून विजेत्यांना नमो चषक दिला जाणार असल्याची माहिती ठाण्याचे आमदार संजय केळकर यांनी दिली.
नमो चषक क्रीडा महोत्सवात क्रिकेट कबड्डी, खो-खो, व्हॉलीबॉल कॅरम, बुद्धिबळ, १०० आणि ४०० मिटर धावणे, फुटबॉल, बॅडमिंटन आदी खेळांच्या स्पर्धा होणार असून यात १८ वर्षांवरील तरुणांना सहभागी होता येणार आहे. प्रत्येक विधानसभा क्षेत्रात या स्पर्धा आयोजित केल्या जाणार आहेत.
नमो चषक सांस्कृतिक महोत्सवात रांगोळी, चित्रकला, नृत्य, गायन, वक्तृत्व आदी स्पर्धा होणार आहेत. या स्पर्धा १२ ते २७ जानेवारी या काळात होतील. या संबंधी नुकतीच आमदार संजय केळकर यांच्या उपस्थितीत बैठक झाली असून निवडणूक प्रमुख ॲड. सुभाष काळे, आमदार निरंजन डावखरे, युवा मोर्चा अध्यक्ष सूरज दळवी, समर्थ नायक, मंडळ अध्यक्ष उपस्थित होते.