जिल्हा

वडाळा-कासारवडवली मेट्रोसाठी पहावी लागणार चार वर्षे वाट

calendar_today 20 December 2023

schedule 5 मिनिटे वाचन

visibility 12 Views bookmark share

वडाळा-कासारवडवली मेट्रोसाठी पहावी लागणार चार वर्षे वाट फोटो: ठाणे वैभव

ठाणे : वडाळा-कासारवडवली मेट्रोच्या कामाला गती मिळाली असून प्रत्यक्षात या मार्गावरून मेट्रो धावण्यासाठी प्रवाशांना सन 2026 ते 27 पर्यंत वाट पाहावी लागू शकते, अशी माहिती मुंबई महानगर प्रदेश विकास प्राधिकरणातील वरिष्ठ अधिका-याने दिली. मुंबई मेट्रो (4, 4अ, 10,11) ही 57.18 किमी भूमिगत (अंडर कन्स्ट्रक्शन एव्हिलेटेड) आणि अंडरग्राउंड मेट्रो लाईन आहे, जी 48 स्थानकांसह शिवाजी चौक (मीरा रोड), गायमुख, कासारवडवली, वडाळा- सीएसएमटीला जोडली जाणार आहे. मुंबई महानगर प्रदेश विकास प्राधिकरण या मर्गिकेचे स्वत: काम करत आहे. जून 2019 मध्ये, महामुंबई मेट्रो ऑपरेशन्स कॉर्पोरेशन (एमएमओसीएल) नावाची नवीन नोडल एजन्सी एमएमआरडीएच्या मालकीच्या धर्तीवर सर्व सेवा ऑपरेट आणि देखरेख करण्यासाठी स्थापन करण्यात आली आहे 2.88 किमी लांबीची लाईन, ‘4ए ग्रीन लाईन’ उत्तरेकडे कासारवडवली ते गायमुखपर्यंत वाढवण्यासाठी मंजुरी मिळाली आहे आहे. त्याचा ‘तपशीलवार प्रकल्प अहवाल’ (डीपीआर) डिसेंबर 2018 मध्ये महाराष्ट्राच्या मंत्रिमंडळाने मंजूर केला होता. प्राधिकरणाने मार्च 2019 मध्ये त्यासाठी निविदा मागवल्या होत्या आणि ‘जे. कुमार इन्फ्रा प्रोजेक्ट्स’ची सप्टेंबर 2019 मध्ये सिव्हिल कॉन्ट्रॅक्टर म्हणून नियुक्ती करण्यात आली होती. या कंत्राटाचे मूल्य तब्बल 342 कोटी रुपये आहे. लाईन 10 ही 9.209 किमी लांबीची असून पश्चिमेकडे गायमुख ते मीरा रोड येथील शिवाजी चौकापर्यंत चार स्थानकांसह विस्तारित होणार आहे. महाराष्ट्र सरकारने 24 जुलै 2019 रोजी बांधकामासाठी मान्यता दिली आणि 9 सप्टेंबर 2019 रोजी भारताच्या पंतप्रधानांच्या हस्ते पायाभरणी करण्यात आली होती.