जिल्हा

काशीगांवातील ट्रान्सफाॅर्मरला भीषण आग

calendar_today 29 August 2023

schedule 5 मिनिटे वाचन

visibility 10 Views bookmark share

काशीगांवातील ट्रान्सफाॅर्मरला भीषण आग फोटो: ठाणे वैभव

भाईंदर: मिरारोड काशीगांव येथील ग्लोबल गॅलरी गॅरेजलगत असलेल्या अदानी वीज पुरवठा कंपनीच्या ट्रान्सफाॅर्मरला दुपारी आग लागली. आगीची खबर मिळताच मीरा-भाईंदर महापालिका अग्निशमन विभागाच्या अधिकाऱ्यांनी घटनास्थळी धाव घेत आग विझवण्यास सुरूवात केली. मात्र गॅरेजमधील आॅईलच्या साठ्यामुळे आग आटोक्यात येण्यासाठी शर्थीचे प्रयत्न करावे लागत होते. अखेर बऱ्याच प्रयत्नांनंतर आग आटोक्यात आणण्यात अग्निशमन अधिकाऱ्यांना यश मिळाले. या दुर्घटनेत कोणतीही जीवितहानी झाली नसल्याचे अग्निशमन अधिकाऱ्यांनी सांगितले.