जिल्हा

त्रिपुरारी पौर्णिमेच्या रात्री सुपरमून दर्शन

calendar_today 30 October 2025

schedule 5 मिनिटे वाचन

visibility 18 Views bookmark share

त्रिपुरारी पौर्णिमेच्या रात्री सुपरमून दर्शन फोटो: ठाणे वैभव

ठाणे: येत्या बुधवारी ५ नोव्हेंबर रोजी, त्रिपुरारी पौर्णिमेच्या रात्री आकाशात सुपर मून दिसणार असल्याचे पंचांगकर्ते खगोल अभ्यासक दा.कृ.सोमण यांनी सांगितले. याविषयी अधिक माहिती देताना श्री. सोमण म्हणाले की, पौर्णिमेच्या दिवशी जर चंद्र पृथ्वीच्या जवळ असेल तर चंद्रबिंब जास्त मोठे आणि जास्त तेजस्वी मनोहारी दिसते. तसे ते बुधवारी ५ नोव्हेंबर रोजी रात्री दिसणार आहे. चंद्र पृथ्वीपासून सरासरी तीन लक्ष ८४ हजार किमी अंतरावर असतो. या दिवशी तो पृथ्वीपासून तीन लक्ष ५६,८३४ किमी अंतरावर येणार आहे. पौर्णिमेच्या दिवशी जर चंद्र पृथ्वीपासून दूर असेल तर चंद्रबिंब लहान आणि कमी तेजस्वी दिसते. याला मायक्रो मून म्हणतात. सुपर मून हा मायक्रो मूनपेक्षा १३ टक्के मोठा आणि ३० टक्के जास्त तेजस्वी दिसतो. तसा तो बुधवारी ५ नोव्हेंबर रोजी रात्री दिसणार आहे. बुधवारी ५ नोव्हेंबर रोजी सुपर मून सायंकाळी ५.४४ वाजता पूर्वेला उगवेल आणि रात्रभर सुंदर दर्शन देईल. या पुढील सुपर मून पुढच्याच महिन्यात गुरूवार ४ डिसेंबर रोजी दत्तजयंतीच्या रात्री दिसणार असल्याचे श्री. दा.कृ.सोमण यांनी सांगितले.