जिल्हा

'माझे पसंतीचे सिडकोचे घर' : उद्या संगणकीय सोडत

calendar_today 14 February 2025

schedule 5 मिनिटे वाचन

visibility 17 Views bookmark share

'माझे पसंतीचे सिडकोचे घर' : उद्या संगणकीय सोडत फोटो: ठाणे वैभव

नवी मुंबई: सिडको महामंडळाच्या 'माझे पसंतीचे सिडकोचे घर' गृहनिर्माण योजनेची संगणकीय सोडत शनिवार, 15 फेब्रुवारी 2025 रोजी रायगड इस्टेट, फेज 1, भूखंड क्र. 1, सेक्टर-28, तळोजा पंचानंद, पनवेल, येथे सकाळी 11 वाजता पार पडणार असून सोडतीचे थेट प्रक्षेपण सिडकोच्या संकेतस्थळावर करण्यात येणार आहे. या योजनेंतर्गत नवी मुंबईतील वाशी, बामणडोंगरी, खारकोपर, खारघर, खारघर पूर्व (तळोजा), मानसरोवर, खांदेश्वर, पनवेल आणि कळंबोली नोडमध्ये प्रधानमंत्री आवास योजनेंतर्गत आर्थिकदृष्ट्या दुर्बल घटक आणि अल्प उत्पन्न गटाकरिता 26 हजार सदनिका उपलब्ध करून देण्यात आल्या होत्या. अर्जदारांना त्यांच्या पसंतीची सदनिका निवडण्याचे स्वातंत्र्य हे या योजनेचे वैशिष्ट्य होते. अर्जदारांना आपल्या पसंतीच्या 15 सदनिकांचा प्राधान्यक्रम निवडण्याची सुविधा उपलब्ध करून देण्यात आली होती. या योजनेला अर्जदारांचा उत्तम प्रतिसाद लाभला. सोडत प्रक्रियेचे थेट प्रक्षेपण https://cidcohomes.com या संकेतस्थळावर देखील करण्यात येणार आहे. अर्जदार सदर संकेतस्थळावर, त्यांच्या सिडको होम खात्यात लॉग इन करून सोडतीचा निकाल घरबसल्या देखील पाहू शकतात. सोडतीमधील यशस्वी उमेदवारांची यादी lottery.cidcoindia.com या संकेतस्थळावर उपलब्ध करून देण्यात येणार आहे.