News
Stay updated with the latest stories, happenings, and developments from Thane.
महाराष्ट्र
मिरारोडच्या पर्यटकांचा स्टंट दाभोसा धबधब्यात जीवावर बेतला
मिरारोडच्या पर्यटकांचा स्टंट दाभोसा धबधब्यात जीवावर बेतला
फोटो: ठाणे वैभव
भाईंदर: मीरारोडच्या दोन पर्यटकांना पालघर जिल्ह्यातील जव्हार तालुक्यातील प्रसिद्ध दाभोसा धबधब्यावर स्टंटबाजी करणे महागात पडले. दोघांनी 120 फूट उंचीवरून खोल तलावात उडी मारली. त्यापैकी एक तरुण पाण्यातून वर न आल्याने बुडाला, तर दुसरा वर आला मात्र तो गंभीर जखमी झाला. ही संपूर्ण घटना व्हिडिओ कॅमेऱ्यात कैद झाली आहे.
मीरा रोड येथील 24 वर्षीय तीन तरुण दाभोसा धबधबा पाहण्यासाठी गेले होते. धबधब्याच्या खोलीची त्यांना कल्पना नव्हती. दोन तरुण धबधब्याच्या सुरुवातीच्या ठिकाणी पोहोचले, तर तिसरा तरुण खाली धबधब्याजवळून त्यांचा स्टंट व्हिडिओ बनवत होता. या दोन तरुणांनी सुमारे 120 फूट उंचीवरून धबधब्याच्या दिशेने झेप घेतली. मात्र दोन्हीपैकी एक माज शेख पाण्यातून वर न आल्याने बुडून मरण पावला, तर मुक्कामाच्या वेळी जोएब शेख कसातरी वर आला, मात्र तो गंभीर जखमी झाला. त्याला रुग्णालयात दाखल करण्यात आले असून त्याच्यावर वैद्यकीय उपचार सुरू आहेत.
ADVERTISEMENT 300x475
ADVERTISEMENT 300x475