News
Stay updated with the latest stories, happenings, and developments from Thane.
महाराष्ट्र
महिलेचे अपहरण करणाऱ्यास गुजरातमधून अटक
महिलेचे अपहरण करणाऱ्यास गुजरातमधून अटक
फोटो: ठाणे वैभव
भाईंदर: ५० हजार रुपयांच्या खंडणीसाठी 19 वर्षीय तरुणीचे अपहरण करणाऱ्या आरोपीला मीरा रोड पोलिसांच्या गुन्हे शोध शाखेच्या पथकाने 24 तासांच्या आत गुजरातमधील भरूच येथून अटक केली.
दिनेशकुमार सुतार (19) असे अटक आरोपीचे नाव आहे. फोटोग्राफीचा व्यवसाय करणारा आरोपी दिनेश हा मूळचा राजस्थानच्या बारमेर जिल्ह्यातील गिडा तहसीलमधील पनवसपुरा, सुथरोन की धानी येथील रहिवासी आहे.
8 ऑक्टोबर रोजी मीरा रोड येथील शांती पार्क येथे राहणारे किशोर भंवरलाल सुतार (30) यांनी पोलिसांत तक्रार दाखल केली होती की, त्यांची 19 वर्षीय पत्नी गरबा पाहण्यासाठी शांती पार्क कॉम्प्लेक्समध्ये गेली होती आणि घरी परत आलीच नाही. मीरा रोड पोलिसांनी बेपत्ता झाल्याची नोंद केली होती. तपासादरम्यान आरोपीने इंस्टाग्रामच्या माध्यमातून पती किशोरकडे खंडणीची मागणी केली आणि खंडणीची रक्कम दिल्यास पत्नीला सोडेन, असे सांगितले.
घाबरलेल्या तरुणाने आरोपीने दिलेल्या बँक खात्यात पैसे जमा केले. मात्र त्यानंतर आरोपीने पुन्हा पैशांची मागणी केली. पत्नीच्या जीवाला धोका असल्याच्या भीतीने किशोरने पोलिसांत तक्रार दाखल केली. डीसीपी प्रकाश गायकवाड, सहाय्यक पोलीस आयुक्त विजय मराठे, वरिष्ठ पोलीस निरीक्षक चंद्रकांत सरोदे यांच्या मार्गदर्शनाखाली पोलीस पथकाने आरोपीचे बँक खाते आणि सीसीटीव्ही फुटेजच्या सहाय्याने भरूचमधील आरोपीचा माग काढला आणि भरूच पोलिसांच्या मदतीने आरोपीला अटक केली. अपहृत महिलेची तिच्या तावडीतून सुखरूप सुटका करण्यात आली.
ADVERTISEMENT 300x475
ADVERTISEMENT 300x475