जिल्हा

न्यायालयाच्या इमारतीतील स्टोअर रुमला आग

calendar_today 12 November 2025

schedule 5 मिनिटे वाचन

visibility 19 Views bookmark share

न्यायालयाच्या इमारतीतील स्टोअर रुमला आग फोटो: ठाणे वैभव

ठाणे: ठाणे जिल्हा सत्र न्यायालय येथील विस्तारित दोन मजली इमारतीच्या पहिल्या मजल्यावरील स्टोअर रूममध्ये इलेक्ट्रिक वायरला आग लागून कागदपत्रे जाळून खाक झाल्याची घटना घडली. मंगळवार ११ नोव्हेंबर रोजी सकाळी ११ वाजता ही घटना घडली. ठाणे जिल्हा सत्र न्यायालयाच्या विस्तारित दोन मजली इमारतीच्या पहिल्या मजल्यावरील स्टोअर रूममध्ये कागदपत्रांना व इलेक्ट्रिक वायरिंगला आग लागली. यात स्टोअर रूममधील कागदपत्रे जळून खाक झाली. घटनेची माहिती मिळताच घटनास्थळी ठाणे नगर पोलीस कर्मचारी, आपत्ती व्यवस्थापन कक्षाचे कर्मचारी एका पिकअप वाहनासह, अग्निशमन दलाचे जवान दोन फायर वाहनासह, एक रेस्क्यू वाहनासह महावितरणचे कर्मचारी उपस्थित होते. सुदैवाने या घटनेत कोणतीही जीवितहानी झालेली नाही.