News
Stay updated with the latest stories, happenings, and developments from Thane.
महाराष्ट्र
ठाणे स्थानकातील एफओबीसाठी गर्डर्सचे सर्व लॉन्चिंग पूर्ण
ठाणे स्थानकातील एफओबीसाठी गर्डर्सचे सर्व लॉन्चिंग पूर्ण
फोटो: ठाणे वैभव
ठाणे : ठाणे स्थानकातील कल्याणच्या दिशेकडील नवीन फूट ओव्हर ब्रिज (एफओबी)साठी चार गर्डर्स लाँच करण्याचे काम शनिवारी/रविवारी रात्री पूर्ण झाले आहे. तेथील विविध तांत्रिक, यांत्रिकी कामे करण्यासाठी अंदाजे खर्च पाच कोटी ६१ लाख रुपये आहे.
ठाणे (कल्याण टोकाला) येथील चेंदणी बंदर सार्वजनिक एफओबीचे बांधकाम विद्यमान मुंबई आयआयटीमध्ये (स्ट्रक्चरल ऑडिट) तपासल्यानंतरच या अटीवर हे काम रेल्वेने घेतले आहे. हा एफओबी 75 मीटर लांब आणि पाच मीटर रुंद आहे आणि या एफओबीमध्ये 3 स्पॅनचा समावेश आहे.
पूर्वेकडील तिसरा स्पॅन 30 मीटर लांब आहे. प्रत्येकी 12 मेट्रिक टनपैकी 4 क्रमांकाचे स्टेनलेस स्टील प्लेट गर्डर गेल्या काही दिवसांत रात्री ट्रॅफिक आणि पॉवर ब्लॉकमध्ये लॉन्च करण्यात आले आहेत. त्यात ज्यात पाच (मार्गिका) लाईन आहेत. त्यातही ट्रान्सहार्बर लाईन्सच्या नऊ अणि १० व्या फलाटांचा समावेश आहे. ट्रॅफिक ब्लॉकचा एकूण कालावधी 5.30 तासांचा होता. ज्यामध्ये ओएएच खाली उतरवणे आणि ग्राउंडिंग करणे आणि 140 टनाच्या रेल्वे क्रेनसह गर्डर्स लाँच करणे आदी समाविष्ट होते.
लॉन्चिंगवेळी एकूण 3 टॉवर वॅगन, 65 कामगार, एआरटी कर्मचारी, अ•िायंते आणि इंजिनीअर, ओएचई, ऑपरेटिंग, मेकॅनिकलचे अधिकारी उपस्थित होते.
या गर्डर्सच्या शुभारंभामुळे ‘एफओबी’चे काम आता वेगवान होऊ शकेल आणि ते तीन महिन्यांत पूर्ण होईल, असा दावा मध्य रेल्वेच्या संबंधित अभियंत्यांनी केला. हे काम डिसेंबर २०२३ वर्ष संपण्याच्या आत करण्यात येणार होते. मात्र हे काम हातावेगळे झाले नाही.
*ठाणे पूर्व आणि पश्चिम एकमेकांना वेळेवर जोडल्यास नव्या एफओबीचा वापर रेल्वे प्रवाशांना करता आला असता, अशी माहिती रेल्वेच्या अधिका-याने दिली. या महत्वाच्या ‘एफओबी’साठी ठाणे महापालिकेनेही (टीएमसी) नुकतेच पाच कोटी आणि पुढील ठेवीचे आश्वासन दिले आहे, असे महापालिकेच्या संबंधित अधिका-याने सांगितले.
300x450
300x600