जिल्हा

दिल्लीतील स्फोटानंतर मुंब्र्यात मोठी छापेमारी

calendar_today 13 November 2025

schedule 5 मिनिटे वाचन

visibility 16 Views bookmark share

दिल्लीतील स्फोटानंतर मुंब्र्यात मोठी छापेमारी फोटो: ठाणे वैभव

ठाणे: नवी दिल्लीत झालेल्या स्फोटाच्या घटनेनंतर देशभर छापेमारी सुरू आहे. महाराष्ट्रातही अशा कारवायांना वेग आला आहे. महाराष्ट्र एटीएसने ठाण्यातील कौसा येथे छापेमारी केल्याची घटना घडली आहे. संबंधित आरोपी मुंबईतील एका मदरशामध्ये शिक्षक असून त्याचे आयसिसशी खास कनेक्शन असल्यावरून ही कारवाई झाली आहे. यावेळी कारवाईत चार घरांची झाडाझडती घेण्यात आली होती. काही दिवसांपूर्वी पुणे येथे महाराष्ट्र एटीएसने धाड टाकून काही लोकांना अटक केली होती. यावेळी आरोपींच्या चौकशी दरम्यान मुंब्र्यातील कौसामध्ये राहणाऱ्या एका शिक्षकाचा संबंध असल्याचा माहिती समोर आली होती. या शिक्षकाचा जमात ए इस्लाम या संघटनेशी संबंध असल्याचे समोर आले आहे. या शिक्षकाचे नाव समजू शकलेले नाही. पण या कारवाईत आतापर्यंत घरातले मोबाईल, संगणक आणि इतर सामुग्री हस्तगत करण्यात आली होती. मुंबईतील कुर्ल्यामधील त्याच्या दुसऱ्या घरी महाराष्ट्र एटीएसने छापा टाकून पुढील तपास सुरू केला आहे.