जिल्हा

एलरिक्षाचालकांच्या मुजोरीविरुद्ध प्रवाशांचा भर पावसात रास्तारोको

calendar_today 19 June 2025

schedule 5 मिनिटे वाचन

visibility 32 Views bookmark share

एलरिक्षाचालकांच्या मुजोरीविरुद्ध प्रवाशांचा भर पावसात रास्तारोको फोटो: ठाणे वैभव

ठाणे : रिक्षा चालकांच्या मनमानीविरोधात प्रवाशांनी भर पावसात उत्स्फूर्तपणे रस्ता रोको आंदोलन केल्याने गोखले रॊडवर प्रचंड प्रमाणात वाहतूक कोंडी झाली होती. गावदेवी मार्केट येथे लोकमान्य नगर, नितीन कंपनी, वागळे या भागातील प्रवाशांकरिता शेअर रिक्षाची सोय केली आहे. एरवी येथून प्रवास करणाऱ्या प्रवाशांकडून रिक्षाचालक २५ रुपये भाडे घेत होते, परंतु मागिल दोन दिवस पावसाची रिपरिप सुरु असल्याने याचा फायदा उचलत रिक्षा चालकांनी प्रत्येक प्रवाशाकडून ४० रुपये भाडे घेण्यास सुरुवात केली होती. एका एका रिक्षात चार ते पाच प्रवासी कोंबले जातात. आज प्रवाशांनी नेहमीप्रमाणे २५ रुपये भाडे आकारणी करण्याची विनंती केली होती, परंतु मुजोर रिक्षा चालकांनी प्रवाशांच्या मागणीकडे दुर्लक्ष करुन ४० रुपये भाड्यावर ठाम राहिले. त्यांनी प्रवासी भाडे नाकारले, पोलिसांची विनंती देखिल रिक्षा चालक मानायला तयार नसल्याने अखेर प्रवाशांनी वारंवार विनंती केल्यानंतर देखिल भाडे घेण्यास रिक्षा चालकांनी नकार दिल्यामुळे प्रवाशांनी भर पावसात रस्ता रोको आंदोलन सुरु केले. त्याचा परिणाम गोखले रोडवरील वाहतुकीवर झाला.